स्थैर्य
Advertisement
  • मुख्य पान
  • फलटण
  • सातारा जिल्हा
  • बारामती
  • प्रादेशिक
  • संपादकीय
    • अग्रलेख
    • लेख
    • विशेष लेख
  • देश विदेश
  • इतर
  • Contact us
  • Privacy Policy
No Result
View All Result
स्थैर्य
No Result
View All Result
स्थैर्य
No Result
View All Result

पदवीधर, शिक्षक मतदारसंघ निवडणूक : प्रचाराच्या तोफा थंडावल्या, मंगळवारी मतदान, ३ डिसेंबरला निकाल

Team Sthairya by Team Sthairya
November 29, 2020
in Uncategorized

 

स्थैर्य, मुंबई, दि.२९: महाविकास आघाडीबरोबरच
भाजपच्या दृष्टिकोनातून प्रतिष्ठेच्या झालेल्या पुणे विभाग पदवीधर आणि
शिक्षक मतदारसंघांच्या निवडणूक प्रचाराची रविवारी सांगता झाली. महाविकास
आघाडी आणि भाजपच्या ज्येष्ठ नेत्यांनी पुण्यात प्रचारसभा घेऊन निवडणुकीत
रंगत आणली असली, तरी मतदारयादीतील गोंधळामुळे मतदानाचा टक्का वाढविण्याचे
आव्हान या पक्षांपुढे आहे. दरम्यान, राज्यातील शिक्षक आणि पदवीधर
मतदारसंघातून विधान परिषदेवर निवडून देण्याच्या जागांसाठी मंगळवार, दि. १
डिसेंबर रोजी मतदान होणार आहे, तर ३ डिसेंबरला मतमोजणी होणार आहे.

काँग्रेस, राष्ट्रवादी काँग्रेस आणि
शिवसेना यांच्या महाविकास आघाडीने या निवडणुका एकत्र लढविण्याचा निर्णय
घेतल्यामुळे भाजपनेही ताकद पणाला लावली आहे. प्रचाराच्या काळात एकमेकांवर
वैयक्तिक टीकाही करण्यात आली. या निवडणुकांनंतर राज्यात महापालिका आणि
जिल्हा परिषदांच्या निवडणुका होणार आहेत. त्यामुळे पदवीधर आणि शिक्षक
मतदारसंघांच्या निवडणुकांना महत्त्व आले आहे. दोन्ही मतदारसंघांमध्ये पुणे
जिल्ह्यात सर्वाधिक मतदार आहेत. त्यामुळे सर्व पक्षांनी प्रचारासाठी
पुण्यावर लक्ष केंद्रित आहे.

पदवीधर मतदारसंघातील भाजपचे उमेदवार
संग्राम देशमुख, राष्ट्रवादी काँग्रेसचे अरुण लाड आणि जनता दल सेक्युलरचे
माजी आमदार शरद पाटील हे तिन्ही उमेदवार सांगलीतील आहेत. त्यामुळे
सांगलीतील मतांची विभागणी होणार असल्याचे स्पष्ट आहे. त्यामुळे उमेदवारांची
मदार पुण्यावर अवलंबून आहे. महाराष्ट्र नवनिर्माण सेनाही (मनसे) निवडणुकीत
उतरली असल्याने या मतदारसंघात चौरंगी लढत आहे. मनसेच्या रूपाली पाटील
ठोंबरे या उमेदवार आहेत.

शिक्षक मतदारसंघामध्येही चुरस निर्माण
झाली आहे. या मतदारसंघातील विद्यमान आमदार दत्तात्रय सावंत आणि भाजप
पुरस्कृत उमेदवार जितेंद्र पवार सोलापूरमधील आहेत. काँग्रेसचे उमेदवार जयंत
आसगावकर कोल्हापूरचे आहेत. मनसेचे विद्यानंद मानकर पुण्यातील आहे.
त्याचबरोबर अपक्ष उमेदवार संतोष फाजगे पुण्यामधील उमेदवार आहेत. त्यामुळे
या मतदारसंघात पाच प्रमुख उमेदवारांमध्ये लढत आहे. पुण्यातील ३२ हजार २०१
शिक्षक मतदार या मतदारसंघाचा निकाल ठरविणार आहेत.

भाजपचा गड राखण्यासाठी फडणवीस मैदानात

सुमारे पाच दशकापासून नागपूर विभाग पदवीधर
मतदारसंघ भाजपकडे आहे. भाजपचा हा पारंपरिक गढ राखण्यासाठी भाजप नेते व
माजी मुख्यमंत्री देवेंद्र फडणवीस स्वत: मैदानात उतरले. या निवडणुकीत
पक्षाने उमेदवार उमेदवार बदलल्याने निर्माण झालेल्या नाराजीचा कुठलाही फटका
बसू नये म्हणून त्यांनी स्वत: मोर्चेबांधणी केली आहे. यावेळी भाजपने
विद्यमान आमदार प्रा. अनिल सोले यांच्याऐवजी फडणवीस यांचे निकटवर्तीय संदीप
जोशी यांना रिंगणात उतरवले आहे. त्यामुळे सुरूवातीला पक्षातच थोडे
नाराजीचे सूर उमटले होते. त्यामुळे फडणवीस यांनी स्वत: या निवडणुकीची
सुत्रे आपल्या हाती घेतली. यापूर्वी भाजपने या मतदारसंघात इतकी मेहनत कधीच
घेतली नाही.

या मतदारसंघात काँग्रेस उमेदवार अभिजित
वंजारी यांना आमदार कपिल पाटील यांच्या शिक्षक लोक भारतीने अटींवर समर्थन
जाहीर केले. या समर्थनाच्या बदल्यात काँग्रेसने २०२३ च्या शिक्षक
मतदारसंघाच्या निवडणुकीत मदत करावी, अशी ही अट आहे व ती काँग्रेसने मान्य
केली आहे.

मतदारसंघनिहाय उमेदवार

पुणे पदवीधर – अरुण लाड
(राष्ट्रवादी काँग्रेस), संग्रामसिंह देशमुख (भाजप), प्रताप माने
राष्ट्रवादी काँग्रेस बंडखोर, रुपाली पाटील (मनसे), शरद पाटील (जनता दल),
सोमनाथ साळुंखे (वंचित बहुजन आघाडी), श्रीमंत कोकाटे (इतिहास संशोधक), डॉ.
अमोल पवार (आम आदमी पक्ष), अभिजित बिचुकले (अपक्ष).

औरंगाबाद पदवीधर – सतीश चव्हाण (राष्ट्रवादी), शिरीष बोराळकर (भाजप), नागोरराव पांचाळ (वंचित), रमेश पोकळे (भाजप बंडखोर).

- दैनिक स्थैर्यचे अपडेट्स मिळवण्यासाठी आम्हाला फॉलो करा -

टेलिग्राम । डेली हंट । फेसबुक । ट्विटर । इंस्टग्राम । गुगल न्यूज

नागपूर पदवीधर – अभिजीत वंजारी (काँग्रेस), संदीप जोशी (भाजप), नितीन रोंघे (विदर्भवादी उमेदवार), राहुल वानखेडे (वंचित बहुजन आघाडी).

पुणे शिक्षक – जयंत आसनगावकर (काँग्रेस), दत्तात्रय सावंत (अपक्ष), सम्राट शिंदे (वंचित), डॉ.सुभाष जाधव (एमफुक्टो).

अमरावती शिक्षक –
श्रीकांत देशपांडे (शिक्षक आघाडी – मविआ पाठिंबा), नितीन धांडे (भाजप),
दिलीप निंभोरकर (शिक्षक भारती), संगीता शिंदे (शिक्षण संघर्ष समिती),
प्रकाश काळबांडे (विदर्भ माध्यमिक शिक्षक संघ).

Related


Tags: राज्य
Previous Post

ड्रग्ज प्रकरणात अडकल्यामुळे कॉमेडियन भारती सिंहची ‘कपिल शर्मा शो’मधून हकालपट्टी

Next Post

सुपरस्टार रजनीकांत यांची उद्या राजकारण प्रवेशाची घोषणा?

Next Post

सुपरस्टार रजनीकांत यांची उद्या राजकारण प्रवेशाची घोषणा?

Leave a Reply Cancel reply

Your email address will not be published. Required fields are marked *

ताज्या बातम्या

डॉल्बी का वाजू नये याचे उत्तर प्रशासनाने द्यावे – खासदार उदयनराजे भोसले यांचा साताऱ्यात रोखठोक पवित्रा

August 20, 2022

राज्यपाल भगत सिंह कोश्यारी यांनी घेतले अंबाजोगाई येथील योगेश्वरी देवीचे दर्शन

August 20, 2022

अवैधरित्या दारुची वाहतूक केल्याप्रकरणी एकावर कारवाई

August 20, 2022

दुष्काळ पीडित शेतकऱ्याच्या भावना समजून घेवून त्यांचे मनोबल वाढवा – कृषीमंत्री अब्दुल सत्तार

August 20, 2022

युवतीचा विनयभंग केल्याप्रकरणी तिघांवर गुन्हा

August 20, 2022

प्रवचने – दास विषयाचा झाला। सुखसमाधानाला आंचवला॥

August 20, 2022

माजी सैनिकांसाठी काम व क्षयरोग निर्मूलनासाठी बीड जिल्ह्यात होत असलेले प्रयत्न कौतुकास्पद – राज्यपाल भगतसिंग कोश्यारी

August 20, 2022

सातारा शहर परिसरातील दोन जुगार अड्ड्यांवर छापे

August 20, 2022

मुख्यमंत्री प्रणित जिल्हा शिवसेनेची जबाबदारी पुरुषोत्तम जाधव यांच्याकडे

August 20, 2022

राज्यपाल भगतसिंह कोश्यारी यांनी घेतले परळी वैजनाथाचे दर्शन

August 20, 2022
Load More

सूचना

दैनिक स्थैर्य मध्ये प्रसिद्ध झालेल्या बातमीमधील, लेखांतील आणि पत्रांतील मते संबंधित बातमीदाराची व लेखकाची असून दैनिक स्थैर्यचे संपादक, प्रकाशक आणि / अथवा मालक यांचा त्या मतांशी काहीही संबंध नाही. दैनिक स्थैर्य मधील बातमी व जाहिराती या बातमीदाराने / जाहिरातदाराने दिलेल्या माहितीवर आधारित असतात. बातमी अथवा जाहिरातीतील मजकुराची वैधता दैनिक स्थैर्य तपासून पाहू शकत नाही. बातमीमधुन अथवा जाहिरातीतून उद्भवणार्‍या कोणत्याही विषयाला जबाबदार दैनिक स्थैर्य नसून बातमीदार अथवा जाहिरातदारच आहे.वृत्तपत्रासंबंधी सर्व खटले, वादविवाद, प्रकरणे फलटण न्यायालयांतर्गतच चालवले जातील. अन्यत्र कोठेही चालवले जाणार नाहीत.

  • Privacy Policy
  • Contact us

Website maintained by Tushar Bhambare.

No Result
View All Result
  • मुख्य पान
  • फलटण
  • सातारा जिल्हा
  • बारामती
  • प्रादेशिक
  • संपादकीय
    • अग्रलेख
    • लेख
    • विशेष लेख
  • देश विदेश
  • इतर
  • Contact us
  • Privacy Policy

Website maintained by Tushar Bhambare.

Don`t copy text!