स्थैर्य
Advertisement
  • मुख्य पान
  • फलटण शहर
  • फलटण तालुका
  • सातारा जिल्हा
  • प्रादेशिक
  • संपादकीय
    • अग्रलेख
    • लेख
    • विशेष लेख
  • देश विदेश
  • इतर
  • संपर्क
No Result
View All Result
स्थैर्य
No Result
View All Result
स्थैर्य
No Result
View All Result

जिल्ह्यातील सर्व न्यूज पोर्टल किंवा न्यूज अ‍ॅप्लिकेशनचा सर्वे होईल तेव्हा नक्की ‘स्थैर्य’चे नाव हे एक नंबरलाच असेल

Team Sthairya by Team Sthairya
March 1, 2021
in अग्रलेख, प्रादेशिक, फलटण तालुका, विशेष लेख, संपादकीय, सातारा जिल्हा

आपल्या सर्वांचा ‘स्थैर्य’ पत्रकारिता क्षेत्रात आपली 22 वर्षांची वाटचाल पूर्ण करत आहे. ‘स्थैर्य’ गेल्या 22 वर्षांपासून फलटणकारांपर्यंत वृत्तसेवा पुरवत आहे. ‘स्थैर्य’ च्या माध्यमातून खरी व वस्तुनिष्ठ बातमी तुमच्या सर्वांपर्यंत पोहचविण्याचा आम्ही नेहमीच प्रयत्न करत आलो आहोत. अर्थातच 21 वर्षांची परंपरा खांद्यावर घेऊन पुढे जात असताना ‘स्थैर्य’चे संस्थापक स्व. दिलीप रुद्रभटे, श्रीमती उमा दिलीप रुद्रभटे व माझे जेष्ठ बंधू चैतन्य दिलीप रुद्रभटे यांनी दैनिक ‘स्थैर्य’च्या संपादक पदाची जबाबदारी यशस्वीपणे सांभाळली आहे. ती तितक्याच कुशलतेने सांभाळणे हे माझ्यासमोर फार मोठे आव्हान आहे. हे आव्हान पेलत असताना आपल्या सर्वांची मिळणारी साथ लाखमोलाची आहे. त्यामुळे या वर्षपूर्तीच्या निमित्ताने सर्वात प्रथम वाचक, हितचिंतक, जाहिरातदार यांचे मन:पूर्वक आभार.

गेल्या वर्षभरात आपण सर्वांनीच ‘ना भूतो, ना भविष्यती’ असा भयानक काळ अनुभवला. ‘कोरोना’च्या जागतिक संकटामुळे आपण सर्वजण मोठ्या दडपणाखाली होतो. मात्र या प्रतिकूल काळामध्ये देखील वस्तूनिष्ठ व खर्‍या बातम्या देण्याचे काम स्थैर्यने केले. या कठीण काळातून जात असतानाच गत एका वर्षांपूर्वी माझ्यावर अचानकपणे दैनिक ‘स्थैर्य’च्या संपादक पदाची जबाबदारी पडली. आधीच आर्थिक अडचण, त्यात कोरोनाची भर. अशा परिस्थितीत वृत्तसेवेचे व्रत अखंड सुरु कसे ठेवायचे हा भला मोठा प्रश्‍न आमच्यासमोर उभा होता. मात्र घाबरायचं नाही, थांबायचं नाही एवढंच डोक्यात होतं. आणि त्यातूनच काळाची पाऊले ओळखून ‘डिजीटल मिडीया’ हा पर्याय आम्ही निवडला. आणि तो नूसता निवडला नाही; तर त्यात पुन्हा नव्या जोमाने, नव्या उमेदीने उतरुन न्यूज पोर्टलच्या माध्यमातून विश्‍वासू व खात्रीशीर बातमी पोहचविण्याचे काम सुरु देखील केले.

‘कोरोना’ हे संकट जरी असले तरी या संकटाचे रुपांतर आपण संधीत करु शकतो हे मनाशी पक्के ठरवले. सहसा मिळालेली संधी सोडायची नाही हा माझा स्थायीभाव असल्यामुळे ते जमून देखील गेले. कोरोना काळात सर्व सामान्य नागरिकांना व वाचकांना ‘स्थैर्य’शी डिजिटली कनेक्ट करण्याचा मी प्रयत्न केला आणि त्यास डिजिटल वाचकांनी भरभरून प्रतिसाद दिला. न्यूज पोर्टलच्या सुरवातीच्या काळात म्हणजेच मार्च 2020 च्या पहिल्या आठवड्यात एखाद्या बातमीला हजारो वाचक मिळत असल्याने, आपण जे काम करतोय त्याचे समाधान मिळत होते. पण जसं जसं शिकत गेलो तसं कळलं की इंटरनेटच्या ह्या मायाजाळात एखाद्या बातमीला एक हजार वाचक म्हणजे आपण अजूनही खूप मागे आहोत. त्यानंतर मी स्वतः बातमी जास्तीत जास्त जणांपर्यंत कशी पोहचेल यासाठी काम करायला लागलो. बातमी जर वाचकांपर्यंत पोहचलीच नाही तर त्यामागे घेतलेले सगळे कष्ट वाया जातात. त्यामुळे बर्‍याच गोष्टी ह्या नव्याने शिकायला मिळाल्या. आधीच सातारा जिल्हा आवृत्ती सुरू करून बंद करावी लागली होती. आर्थिक घडी संपूर्णतः विस्कटून गेलेली होती. त्या वेळचे काही महिने तर कसे काढले हे कोणालाही सांगण्याजोगे नाही. परंतु लहानपणापासून एक गोष्ट ऐकत व वाचत आलेलो आहे की, आपण जर प्रामाणिकपणे प्रयत्न केले तर यश हे नक्की येतच असतं. त्यासाठी आपण प्रामाणिक पणे काम करणे गरजेचे असते. फक्त तेच डोक्यात ठेवले. आणि काम करत राहिलो. आणि आजमितीस आपल्या स्वत:च्या न्यूज पोर्टल बरोबरच वेगवेगळ्या नामांकित डिजीटल प्लॅटफॉर्मद्वारे ‘स्थैर्य’ आपली वृत्तसेवा दिमाखात बजावत आहे. हे निश्‍चितच समाधानकारक असले तरी; या मागे अनेकांनी केलेले सहकार्य देखील कारणीभूत आहे.

या एक वर्षातील ‘स्थैर्य’च्या डिजीटल पर्वाचा थोडक्यात आढावा घ्यायचा झाला तर तो असा की,
> स्थैर्यचे न्यूज पोर्टल सुरू केले.
> स्थैर्यच्या न्यूज पोर्टलला दररोज साधारणतः सातारा जिल्ह्यातील एक लाख वाचक भेट देत असतात.
> दैनिक स्थैर्य व डेली हंट यांच्यात करार होऊन डेली हंट ह्या लोकप्रिय अ‍ॅपवर स्थैर्यच्या बातम्या झळकतात.
> दैनिक स्थैर्य व गुगल न्यूज यांच्यात करार होऊन गुगल न्यूज ह्या जगातील लोकप्रिय वेब, अ‍ॅपवर स्थैर्यच्या बातम्या दिसतात.
> दैनिक स्थैर्यचे अँड्रॉइड अँप्लिकेशन दिमाखात गुगल प्ले स्टोअर वर दिसत आहे.
> राज्यातील इतर लोकप्रिय न्यूज पोर्टल प्रमाणे स्थैर्यचे न्यूज पोर्टल अल्पावधीत नावारुपास आले आहे.

ह्या सोबत खूप बदल केलेले आहेत आणि अजून बरेच काम बाकी आहे. फलटण तालुक्याबरोबरच संपूर्ण सातारा जिल्ह्यात ‘स्थैर्य’ पुन्हा एकदा नव्या रुपात, नव्या ढंगात विस्तारत आहे. डिजीटल मिडीयामध्ये रोज नवनवीन बदल होत असतात. त्यामुळे अर्थातच या क्षेत्रात आव्हाने देखील मोठी आहेत. ही आव्हाने पेलत असताना पुढील काळात जेव्हा केव्हा जिल्ह्यातील सर्व न्यूज पोर्टल किंवा न्यूज अ‍ॅप्लिकेशनचा सर्वे होईल तेव्हा नक्की ‘स्थैर्य’चे नाव हे एक नंबरलाच असेल, या उद्देशाने पुढेही काम करीत रहायचे आहे.

यासाठी आपल्या सर्वांचे पाठबळ, सहकार्य आणि सदिच्छा या हव्याच….

– प्रसन्न दिलीप रुद्रभटे,
संपादक ‘स्थैर्य’.


📣 दैनिक स्थैर्य आता टेलिग्रामवर आहे. दैनिक स्थैर्यच्या अधिकृत टेलिग्राम चॅनेलला जॉईन होण्यासाठी येथे क्लिक करावे.

ADVERTISEMENT
Previous Post

फलटण तालुक्यातील ५ तर सातारा जिल्ह्यातील १९५ संशयितांचे अहवाल कोरोनाबाधित; 2 बाधिताचा मृत्यु

Next Post

उपसरपंचपदी निवड झाल्याबद्दल मुकुंद रणवरे यांचा मुंबईच्या “विधानभवन” येथे सत्कार

Next Post

उपसरपंचपदी निवड झाल्याबद्दल मुकुंद रणवरे यांचा मुंबईच्या "विधानभवन" येथे सत्कार

ताज्या बातम्या ई-मेलवर मिळवा

Join 1,033 other subscribers

जाहिराती

ताज्या बातम्या

पुष्कर मंगल कार्यालय येथे कोव्हीड केअर सेंटर उभारणी करताना आ. श्रीमंत छ. शिवेंद्रसिंहराजे भोसले, श्रीमंत छ. सौ. वेदांतिकाराजे भोसले, डॉ. ऋतुराज देशमुख व मान्यवर

रुग्णसेवेसाठी पुष्कर कोव्हीड केअर सेंटर पुन्हा सज्ज ८० बेडच्या सेंटरमध्ये ३२ बेड ऑक्सिजन युक्त

April 23, 2021

आदेशाचे उल्लंघन केल्याप्रकरणी 7 व्यवसायिकांवर गुन्हा दाखल

April 23, 2021

जबरी चोरीप्रकरणी एकावर गुन्हा

April 23, 2021

सदर बझार येथे फ्लॅटमधून 12 हजारांचा ऐवज चोरीस

April 23, 2021

जुगार अड्ड्यांवर धाडी, 36 हजारांचा मुद्देमाल जप्त

April 23, 2021

शेतात अतिक्रमण करून दीड लाखाचे नुकसान; तिघांवर गुन्हा दाखल

April 23, 2021

जिल्ह्यातील अंत्योदय, प्राधान्य कुटुंबातील लाभार्थ्यांना मोफत धान्य जिल्हाधिकारी शंभरकर यांची माहिती

April 22, 2021

५४% भारतीय विद्यार्थी म्हणतात ऑनलाइन शिक्षणाचे मॉडेल सोयीस्कर : ब्रेनली

April 22, 2021

पालकमंत्र्यांची मालखेड येथील रोपवाटिकेला भेट; रोजगार हमी योजनेच्या कामाची केली पाहणी

April 22, 2021

ऑक्सिजन गळती प्रकरणाचा तपास करणार विभागीय आयुक्त राधाकृष्ण गमे यांच्या अध्यक्षतेखालील उच्चस्तरीय समिती

April 22, 2021
Load More

सूचना

दैनिक स्थैर्य मध्ये प्रसिद्ध झालेल्या बातमीमधील, लेखांतील आणि पत्रांतील मते संबंधित बातमीदाराची व लेखकाची असून दैनिक स्थैर्यचे संपादक, प्रकाशक आणि / अथवा मालक यांचा त्या मतांशी काहीही संबंध नाही. दैनिक स्थैर्य मधील बातमी व जाहिराती या बातमीदाराने / जाहिरातदाराने दिलेल्या माहितीवर आधारित असतात. बातमी अथवा जाहिरातीतील मजकुराची वैधता दैनिक स्थैर्य तपासून पाहू शकत नाही. बातमीमधुन अथवा जाहिरातीतून उद्भवणार्‍या कोणत्याही विषयाला जबाबदार दैनिक स्थैर्य नसून बातमीदार अथवा जाहिरातदारच आहे.वृत्तपत्रासंबंधी सर्व खटले, वादविवाद, प्रकरणे फलटण न्यायालयांतर्गतच चालवले जातील. अन्यत्र कोठेही चालवले जाणार नाहीत.

  • Home
  • संपर्क

Website maintained by Tushar Bhambare.

No Result
View All Result
  • मुख्य पान
  • फलटण शहर
  • फलटण तालुका
  • सातारा जिल्हा
  • प्रादेशिक
  • संपादकीय
    • अग्रलेख
    • लेख
    • विशेष लेख
  • देश विदेश
  • इतर
  • संपर्क

Website maintained by Tushar Bhambare.

कॉपी करू नका.