फलटण: रणजितदादांची आज महत्त्वाची पत्रकार परिषद
माजी खासदार रणजितसिंह नाईक निंबाळकर यांनी फलटणमध्ये एका महत्त्वाच्या विषयावर पत्रकार परिषदेचे आयोजन केले असून राजकीय वर्तुळात चर्चेला उधाण आले आहे.
स्थैर्य, फलटण, दि. २५ जून : माढा लोकसभा मतदारसंघाचे माजी खासदार रणजितसिंह नाईक निंबाळकर यांनी फलटण येथे एका अत्यंत महत्त्वाच्या विषयावर पत्रकार परिषदेचे आयोजन केले आहे.
या परिषदेत ते नेमकी कोणती महत्त्वाची माहिती देणार, याकडे फलटण शहर व तालुक्याचे लक्ष लागले आहे. ही पत्रकार परिषद २५ जून रोजी सकाळी ठीक १० वाजता आयोजित करण्यात आली आहे.
सध्याच्या राजकीय घडामोडींच्या पार्श्वभूमीवर रणजितसिंह नाईक निंबाळकर यांनी तातडीने बोलावलेल्या या परिषदेमुळे विविध तर्कवितर्क लावले जात आहेत. एका महत्त्वाच्या विषयावर माहिती देण्यासाठी त्यांनी प्रसारमाध्यमांच्या प्रतिनिधींना निमंत्रित केले असून, यातून कोणता मोठा निर्णय किंवा खुलासा समोर येतो, हे पाहणे महत्त्वाचे ठरणार आहे.
