जनसेवा वाचनालयाकडून मुलांसाठी एकपात्री अभिनय व स्वरचित काव्य वाचन स्पर्धेचे आयोजन
दैनिक स्थैर्य | दि. ४ एप्रिल २०२४ | फलटण |
फलटण येथील मॅग आणि माऊली फाऊंडेशन संचालित जनसेवा वाचनालयाकडून मुलांच्या कलागुणांना विस्तीर्ण आकाश देण्यासाठी दि. १३, १४ व १५ मे २०२४ दरम्यान एकपात्री अभिनय स्पर्धा व स्वरचित काव्य वाचन स्पर्धेचे आयोजन करण्यात आले आहे. या स्पर्धेतील विजेत्यांवर रोख बक्षिसांचा वर्षाव होणार आहे.
या स्पर्धेसाठीच्या नावनोंदणीची अंतिम तारीख ३० एप्रिल २०२४ आहे.
एकपात्री अभिनय स्पर्धा व स्वरचित अभिनय स्पर्धा ५ वी ते ८ वी, ९ वी ते १२ वी व मुक्त गट अशा तीन वयोगटात होणार आहेत.
वयोगट ५ वी ते ८ वीसाठी वेळ : ३ ते ५ मिनिटे, विजेत्यांसाठी पारितोषिक अनुक्रमे प्रथम तीन क्रमांसाठी रूपये २०००, १५०० व १००० दिले जाणार आहेत.
वयोगट ९ वी ते १२ वीसाठी वेळ : ५ ते ७ मिनिटे, विजेत्यांसाठी पारितोषिक अनुक्रमे रूपये २०००, १५०० व ११०० दिले जाणार आहेत.
मुक्त वयोगटासाठी वेळ : ५ ते ७ मिनिटे, विजेत्यांसाठी पारितोषिक अनुक्रमे रूपये २५००, २००० व १५०० दिले जाणार आहेत.
स्वरचित काव्य वाचन स्पर्धेसाठी वेळ सर्वांसाठी ३ मिनिटे राहणार आहे.
स्पर्धेचे नियम :
- एका विद्यार्थ्यास दोन्ही स्पर्धांमध्ये भाग घेता येईल.
- काव्य स्पर्धेत भाग घेणार्‍या स्पर्धकांनी आपली स्वरचित कविता लिखित स्वरूपात १ मे पर्यंत जनसेवा
- वाचनालयात सादर करावयाची आहे.
- सदर कविता इंटरनेटवर किंवा इतर माध्यमांवर इतरांच्या नावे आहे का, याची पडताळणी करण्यात येईल.
- आपली स्वरचित कविता मराठी, हिंदी, इंग्रजी उर्दू यापैकी कुठल्याही भाषेत सादर केली तरी चालणार आहे.
- परीक्षकांचा निर्णय अंतिम राहणार आहे.
सर्व पारितोषिके ‘मॅग फिनसर्व कं.लि., फलटण यांनी प्रायोजित केली आहेत.
नोंदणीसाठी संपर्क :
उस्मान शेख – ९४२२६०३४२६
गणेश बोराटे – ९९२२५७५७८६
जनसेवा वाचनालय – ९५२९२३३०६७
