सुशांत सिंहची हत्या झाल्याचे कोणतेही पुरावे नाहीत – सीबीआय अधिकाऱ्याची माहिती

 

स्थैर्य, मुंबई, दि. ०२ : सुशांत सिंह राजपूतची हत्या झाल्याचे कोणतेही पुरावे अद्याप सापडले नसल्याची माहिती सीबीआयच्या अधिकाऱ्यांनी दिली आहे. दरम्यान, आताही या प्रकरणाची चौकशी सुरूच असल्याचंही त्यांनी सांगितलं.

काही दिवसांपूर्वी सर्वोच्च न्यायालयानं दिलेल्या निर्णयानंतर मुंबई पोलिसांनी सुशांत सिंह राजपूतच्या मृत्यू प्रकरणी तपास सीबीआयकडे सोपवला होता. गेल्या काही दिवसांपासून सीबीआयनंदेखील या प्रकरणी सुशांतशी संबंधित असलेल्या अनेक व्यक्तींची चौकशी केली. दरम्यान, या प्रकरणी रिया चक्रवर्ती आणि अन्य व्यक्तींच्या चौकशीतून अनेक माहितीही समोर आली. परंतु त्याच्या मृत्यूचं गुढ उकलण्यात मात्र अद्यापही यश आलेलं नाही.

सध्या आत्महत्येच्या अँगलवरही आपण लक्ष देत असून सुशांतला आत्महत्या करण्यासाठी प्रवृत्त केल्याचं हे प्रकरण आहे का याचाही तपास सुरू असल्याचं सीबीआयच्या अधिकाऱ्यांनी सांगितलं.