परहर बुद्रुकमध्ये नवा डीपी बसवला; श्रेय घेण्यावरून सरपंच सचिन साने यांचा इशारा
परहर बुद्रुक येथे चोरीला गेलेल्या डीपीच्या जागी महावितरणने नवा डीपी बसवला आहे. या कामाचे श्रेय इतरांनी घेऊ नये, अशी भूमिका सरपंच सचिन साने यांनी मांडली आहे.
स्थैर्य, फलटण, दि. २३ ऑगस्ट : हिंगणगाव जिल्हा परिषद गटातील परहर बुद्रुक येथे काही महिन्यांपूर्वी महावितरणचा डीपी चोरीला गेला होता. त्यानंतर नवा डीपी बसवण्यासाठी माजी खासदार रणजितसिंह नाईक निंबाळकर यांच्या माध्यमातून आमदार सचिन पाटील यांच्याकडे पाठपुरावा करण्यात आला आणि त्यांच्या आदेशानुसार महावितरणने नवा डीपी बसवला, असा दावा परहर बुद्रुकचे सरपंच सचिन साने यांनी केला आहे.
श्रेय घेण्यावरून साने यांची नाराजी
परहर बुद्रुकमधील नव्या डीपीच्या कामाचे श्रेय काही जण सोशल मीडियावर घेत असल्याचा दावा साने यांनी केला. या कामासाठी माजी खासदार रणजितसिंह नाईक निंबाळकर यांच्या माध्यमातून आमदार सचिन पाटील यांच्याकडे पाठपुरावा केला होता. त्यानंतर महावितरणने तातडीने डीपी बसवल्याचे त्यांनी सांगितले.
‘आमच्या माध्यमातून झालेल्या कामाचे श्रेय घेऊ नये’
आमदार सचिन पाटील यांच्या आदेशानंतर डीपी बसवण्यात आला असून, या कामाचे श्रेय इतरांनी घेऊ नये, असे साने यांनी म्हटले आहे. आमच्या माध्यमातून झालेल्या कामांचे श्रेय घेऊन प्रसिद्धीत राहण्याचा प्रयत्न कुणीही करू नये, असा इशाराही त्यांनी दिला.
