बेकायदेशीर वाळू उपशाप्रकरणी एक जणावर गुन्हा दाखल

स्थैर्य, औंध, दि. ०४ : वडगांव ते गोरेगाव वांगी रस्त्यावर नांदणी नदीमधून बेकायदेशीरपणे वाळू उपसा करून ट्रँक्टरमधून चोरून नेत असताना सुर्यकांत ऊर्फ बाळू वसंत शिंदे वय 30 रा. गोरेगाव वांगी ता. खटाव याच्यावर औंंध पोलीस स्टेशनमध्ये गुन्हा दाखल करण्यात आला आहे. यामध्ये ट्रँक्टर ट्राँली व एक ब्रास वाळू असा सुमारे पाच लाख नऊ हजार रुपयांचा ऐवज औंध पोलिसांनी जप्त केला आहे. घटनेची फिर्याद प्रशांत पाटील यांनी दिली. अधिक तपास सपोनी उत्तम भापकर करीत आहेत.