WHO ची 10 सदस्यांची टीम चीनमध्ये पोहोचली, वुहानमधून महामारी कशी सुरू झाली याचा तपास केला जाणार

स्थैर्य, दि.१४: जागतिक आरोग्य संघटनेचे (डब्ल्यूएचओ) 10 जणांचे एक पथक गुरुवारी चीनमध्ये दाखल होत आहे. ही टीम वुहानमध्ये कोरोनाव्हायरस कोठून निर्माण झाला याची चौकशी करेल. दरम्यान, कोरोना रुग्णांविषयी चीनचा घोळ समोर येत आहे. राष्ट्रीय आरोग्य आयोगाने (NHC) म्हटले आहे की 12 जानेवारीला तेथे अनेक महिन्यांनंतर संसर्ग होण्याची 100 पेक्षा जास्त नवीन प्रकरणे आढळली. या 115 प्रकरणांपैकी 107 जणांना स्थानिक संक्रमण आहे. बाकीचे बाहेरील लोकांशी संबंधित आहेत.

आयोगाने म्हटले आहे की हेबेई प्रांतात 90, हेईलोंग जियांग राज्यातील 16 आणि शांग्सी प्रांतातील एक प्रकरण नोंदली गेली आहेत. ऑगस्टपासून चीनमध्ये दिवसाला 100 पेक्षा जास्त प्रकरणे पाहिली गेली नाहीत. गेल्या वर्षभरापासून चीनवर कोरोना पसरल्याचा आरोप आहे. चीनच्या लॅबमध्ये हा विषाणू विकसित झाल्याने संपूर्ण जगाला संकटाचा सामना करावा लागत असल्याचा दावाही अमेरिकेने केला आहे.

चीनची लसदेखील निघाली निकामी
ब्राझीलने चीनच्या लसीबाबत मोठा दावा केला आहे. त्याचे शास्त्रज्ञ म्हणतात की सिनोवैक बायोटेकने विकसित केलेली कोरोनाव्हॅक लस कोरोनाविरूद्ध केवळ 50.4% प्रभावी आहे. जर शास्त्रज्ञांचा हा दावा योग्य असेल तर जगातील इतर लसींमध्ये ही लस सर्वात कमी प्रभावी आहे. या लसीच्या चाचणीच्या तिसऱ्या टप्प्यातील माहिती गेल्या आठवड्यात आली. तेव्हा त्याला 75% प्रभावी असल्याचे सांगितले होते.

आतापर्यंत जगात 19.85 कोटी लोकांचा मृत्यू
जगात कोरोना रूग्णांची संख्या 9.27 कोटींपेक्षा जास्त आहे. 6 कोटी 62 लाखांपेक्षा अधिक लोक बरे झाले आहेत. आतापर्यंत 19 लाख 85 हजारांहून अधिक लोकांनी प्राण गमावले आहेत. हे आकडे www.worldometers.info/coronavirus नुसार आहे.