मानवांच्या सुख-दुःखाशी एकरूप होणे हीच धम्माची शिकवण; भंते कश्यप यांचे प्रतिपादन
थेट WhatsApp वर मिळवा
विडणीत वर्षावास प्रवचनाचे तिसरे पुष्प पार पडले. यावेळी भंते कश्यप यांनी मंगल मैत्री व डॉ. बाबासाहेबांच्या विचारांवर उपस्थितांना मार्गदर्शन केले.
स्थैर्य, फलटण, दि. 17 ऑगस्ट : समता नगर (विडणी) येथे वर्षावास प्रवचन मालिकेतील तिसरे पुष्प भक्तिमय वातावरणात पार पडले. यावेळी भंते कश्यप यांनी मंगल मैत्री आणि डॉ. बाबासाहेब आंबेडकरांच्या विचारांवर उपस्थितांना मार्गदर्शन केले.
मंगल मैत्री आणि धम्माचे आचरण
भंते कश्यप यांनी सांगितले की, मंगल मैत्री ही केवळ एका घटकापुरती मर्यादित नसून ती संपूर्ण मानवजातीविषयी करुणा आणि कल्याणाची भावना आहे. जात, धर्म आणि भाषा असे भेद बाजूला ठेवून सर्व मानवांच्या सुख-दुःखाशी एकरूप होणे, हीच धम्माची व्यापक भूमिका आहे. जीवनात प्रगती साधायची असेल तर आळस सोडून सातत्याने प्रयत्नशील राहणे आवश्यक असल्याचे त्यांनी स्पष्ट केले.
डॉ. बाबासाहेब आंबेडकरांच्या योगदानाचा जागर
या कार्यक्रमात बाबासाहेब जगताप यांनी डॉ. बाबासाहेब आंबेडकर यांच्या स्वातंत्र्यलढ्यातील आणि राष्ट्रनिर्माणातील योगदानावर विस्तृत प्रकाश टाकला. तत्पूर्वी, पंचशील ध्वज आणि संविधानासह समता नगरमध्ये जनजागृती फेरी काढण्यात आली. याप्रसंगी परिसरातील बौद्ध उपासक, उपासिका आणि नागरिक मोठ्या संख्येने उपस्थित होते.
