वित्तीय, दूरसंचार समभागांच्या कामगिरीने शेअर बाजार सावरला

 

एंजल ब्रोकिंग लिमिटेडचे प्रमुख सल्लागार श्री. अमर देव सिंह स्थैर्य, मुंबई, दि. २:आजच्या व्यापारी सत्रात वित्तीय, दूरसंचार आणि धातू समभागांच्या नेतृत्वात भारतीय निर्देशांकांनी सकारात्मक व्यापार केला. निफ्टीत ०.७३% किंवा ८२,७५ अंकांची वृद्धी झाली व ११,४००० अंकांची पातळी ओलांडत ११,४७०.२५ अंकांवर पोहोचला. तर एसअँडपी बीएसई सेन्सेक्सदेखील ०.७१% किंवा २७२.५१ अंकांनी वाढून ३८,९००.८० अंकांवर स्थिरावला.

एंजल
ब्रोकिंग लिमिटेडचे प्रमुख सल्लागार श्री अमर देव सिंहयांनी
सांगितले की आजच्या व्यापारी सत्रात भारती एअरटेल (७.०९%), जेएसडब्ल्यू स्टील (६.५४%),
हिंडाल्को (५.२६%), एशियन पेंट्स (४.४१%) आणि बजाज फायनान्स (४.३६%), ओएनजीसी (२.८७%)
अॅक्सिस बँक (१.९६%), अदानी पोर्ट्स (१.३४%) आणि इन्फोसिस (१.५१%) हे निफ्टीतील टॉप
लूझर्स ठरले. निफ्टी मेटल हा सर्वोत्कृष्ट कामगिरी करणारा निर्देशांक ठरला व ३.४१ टक्क्यांनी
वधारला. बीएसई मिडकॅप १.१६% नी वाढला आणि बीएसई स्मॉलकॅपने ०.५४% ची वृद्धी घेतली.

अशोक
लेलँड लि.:ऑगस्ट महिन्यात कंपनीच्या एकूण वाहन विक्रीत ३१%
ची म्हणजेच ६,३२५ युनिटची घट झाली. ऑगस्टमध्ये कंपनीची देशांतर्गत विक्री ५,८२४ एवढी
होती. घसरण होऊनही, कंपनीचे स्टॉक्स २.२२% नी वाढून त्यांचा ६९.१५ रुपयांवर व्यापार
झाला.

अदानी
पॉवर लि.:सर्वोच्च न्यायालयाने अदानी पॉवरला राजस्थानातून
नुकसान भरपाई वसूल करण्याची परवानगी देणा-या एपीटीईएलच्या आदेशाचे समर्थन केले. आयातीत
कोळशाची किंमत जास्त असल्याचे म्हटले. परिणामी, कंपनीच्या शेअर्समध्ये ४.३०% ची वाढ
झाली व त्यांनी ३८.८५ रुपयांवर व्यापार केला.

एस्कॉर्ट्स
लिमिटेड:कंपनीने ऑगस्ट महिन्यात वाहन विक्रीत वाढ झाल्याची
नोंद केली. त्याच महिन्यात ट्रॅक्टर विक्रीत ८०% ची वाढ झाली. कंपनीची देशांतर्गत विक्री
७९.४% नी वाढली तर निर्यातीत ९०.४% ची वृद्धी झाली. परिणामी, कंपनीचे स्टॉक्स २.७०%
नी वाढले व त्यांनी १,११७.०० रुपयांवर व्यापार केला.

रिलायन्स
पॉवर लिमिटेड:कंपनीने मूळ आणि व्याजाच्या रकमेत डिफॉल्ट
३००.२२ कोटी रुपयांची नोंद केल्यानंतर रिलायन्स पॉवर लिमिटेडच्या शेअर्समध्ये २.९४%
ची घट झाली व त्यांनी ३.३० रुपयांवर व्यापार केला.

भारतीय
रुपया:अमेरिकी डॉलरच्या तुलनेत भारतीय रुपयाने काहीशी
वाढ घेत ७२.८७ रुपयांचे मूल्य कमावले.

सोने:आंतरराष्ट्रीय स्पॉट दरांत सकारात्मक गती आल्याने एमसीएख्सवर पिवळ्या धातूंच्या किंमती
वाढल्या. अमेरिकी डॉलरचा कमकुवतपणा आणि भारत-चीनमधील सीमा तणाव यामुळे एमसीएक्सवरील
सोन्याच्या किंमतींना आणखी आधार मिळाला.

जागतिक
बाजार:अमेरिका-चीनमधील वाढता तणाव आणि डॉलरचे घटते मूल्य
यामुळे आशियाई आणि युरोपियन निर्देशांकांनी संमिश्र संकेत दर्शवले. नॅसडॅक ०.६८% नी
वाढले, एफटीएसई एमआयबी ०.६९% नी वाढले. तर हँगसेंगच्या शेअर्समध्ये ०.०३% ची वाढ झाली.
तर दुसरीकडे निक्केई २२५ आणि एफटीएसई १०० ने अनुक्रमे ०.०१% आणि १.१५% ची घट अनुभवली.