देशात मंकीपॉक्सचा दुसरा रुग्ण आढळल्याने केंद्र सरकार अलर्टवर!
थेट WhatsApp वर मिळवा
दैनिक स्थैर्य । दि. १९ जुलै २०२२ । मुंबई । देशात मंकीपॉक्सची दुसरा रुग्ण आढळल्यानंतर केंद्र सरकार सतर्क झाले आहे. याचाच भाग म्हणून केंद्राने आंतरराष्ट्रीय विमानतळ आणि बंदरांवर सध्याच्या आरोग्य स्थितीच्या आढावा घेण्यासाठी आज बैठक घेतली. यानंतर केंद्र सरकारने विमानतळ आणि बंदरांवर देशात प्रवेश करणाऱ्या नागरिकांचे स्क्रीनिंग करण्याच्या सूचना दिल्या आहेत. जेणेकरून मंकीपॉक्सचे रुग्ण वेळेत ओळखून त्यांच्यावर उपचार करता येतील. या बैठकीला विमानतळ आणि बंदर यासंबंधी आरोग्य अधिकारी उपस्थित होते.
आरोग्य आणि कुटुंब कल्याण मंत्रालयाने सांगितले की, मंकीपॉक्स रोगाचा धोका कमी करण्यासाठी राज्ये, विमानतळ आणि बंदरांच्या आरोग्य अधिकाऱ्यांना सर्व आंतरराष्ट्रीय प्रवाश्यांची आरोग्य तपासणी करण्याची सूचना देण्यात आली आहे. केंद्रीय आरोग्य मंत्रालयाच्या मंकीपॉक्स रोगाच्या व्यवस्थापनासाठी मार्गदर्शक तत्त्वांनुसार, माकडपॉक्स रोगाचे क्लिनिकल व्यवस्थापन आणि उपचारांचा सल्ला देण्यात आला आहे. तसेच, आंतरराष्ट्रीय बंदरे आणि विमानतळांवर इमिग्रेशन सारख्या इतर एजन्सीशी समन्वय साधण्याचा सल्ला देण्यात आला आहे.
