रणजितदादांच्या माध्यमातून तरडगावच्या विकासाला नवी गती; ४० लाखांच्या ५ विकासकामांचे भूमिपूजन
तरडगाव येथे स्थानिक विकास कार्यक्रमांतर्गत ४० लाख रुपयांच्या ५ रस्ते विकासकामांचे भूमिपूजन करण्यात आले. यामुळे गावातील अंतर्गत रस्त्यांचा मोठा प्रश्न आता मार्गी लागणार आहे.
स्थैर्य, तरडगाव, दि. 08 ऑगस्ट : स्थानिक विकास कार्यक्रम २०२४-२५ अंतर्गत तरडगाव येथील ५ विविध रस्ते विकासकामांचे भूमिपूजन करण्यात आले. या कामांसाठी ४० लाख रुपयांचा निधी मंजूर झाला असून, माजी खासदार रणजितसिंह नाईक निंबाळकर आणि आमदार सचिन पाटील यांच्या प्रयत्नातून या विकासाला गती मिळाली आहे. या पाचही विकासकामांचे भूमिपूजन भारतीय जनता पार्टीच्या नेत्या सौ. जिजामाला रणजितसिंह नाईक निंबाळकर आणि स्वराज नागरी सहकारी पतसंस्थेचे चेअरमन अमरसिंह नाईक निंबाळकर यांच्या हस्ते करण्यात आले.
विकासकामांचे स्वरूप
या निधीतून तरडगावमधील माऊलीनगर रस्ता आणि गंगा माधव नगर रस्ता या दोन ठिकाणी डांबरीकरण करण्यात येणार आहे. तसेच विठ्ठल वॉर्ड धुमाळ वाडा, पाटील वस्ती रस्ता आणि पिराचा मळा येथे रस्ता काँक्रिटीकरणाची कामे केली जाणार आहेत.
मान्यवरांची उपस्थिती
यावेळी माजी सरपंच जगन्नाथ गायकवाड, अतुल गायकवाड, सुभाष झुंजार, पांडुरंग शिंदे, अंकुश कुलाळ, माजी उपसरपंच शामराव गायकवाड, तसेच विविध कार्यकारी सेवा सोसायटीचे माजी चेअरमन किसन गायकवाड आणि एकनाथ गायकवाड उपस्थित होते. तसेच सुकुमार चव्हाण, विठ्ठल धुमाळ, अशोक अडसूळ, पी. एम. शिंदे, जयश्री गायकवाड, सूर्यकांत खरात, पोलीस पाटील शेखर शिंदे, अशोकराव गायकवाड, रामराव गायकवाड, राजेंद्र गायकवाड, योगेश गायकवाड, विठ्ठल गायकवाड, पांडुरंग गायकवाड उपस्थित होते.
ग्रामस्थांचा मोठा सहभाग
या विकासकामांच्या शुभारंभासाठी आदित्य गायकवाड, पुष्पक गायकवाड, ग्रामपंचायत सदस्य मयूर गायकवाड, दुर्गा गायकवाड, माऊली गायकवाड, सनी गायकवाड, श्री धुमाळ, अवि गायकवाड, ॲड. मनोज गायकवाड, स्मिता गायकवाड, सागर गायकवाड आणि कुलाळ आदींसह ग्रामस्थ मोठ्या संख्येने उपस्थित होते.
