शिंदेवाडीचा विद्यार्थी दहावीत नापास झाल्याने रेल्वेस्टेशनवर फिरस्ता; फलटण पोलिसांकडून घरच्यांच्या स्वाधीन

स्थैर्य, फलटण : दिनांक ३० जुलै २०२० रोजी रात्री २ वाजण्याच्या सुमारास शिंदेवाडी ता. फलटण येथील विद्यार्थी आदित्य राजेंद्र जगताप हा रात्रीचे चौधरवाडी रेल्वेस्टेशनजवळ परिसरात फिरत होता. त्यास तेथील नागरीकांनी चोर समजून ताब्यात ठेवले होते. हवालदार माने व सहाय्यक फौजदार मुल्ला यांनी ताब्यात घेऊन त्याची विचारपूस केली. त्याला रात्रभर पोलीस स्टेशन मध्ये ठेवून चौकशी केल्यानंतर सदरचा विद्यार्थी हा दहावीमध्ये नापास झाल्याने नाराज होऊन घरी न जाता फिरत होता. सकाळी त्याचे वडील राजेंद्र जगताप यांच्या ताब्यात सदरील मुलास देण्यात आले, अशी माहिती फलटण शहर पोलीस स्टेशनचे पोलीस निरीक्षक प्रताप पोमण यांनी दिली.