सातारात जुगार अड्ड्यावर छापा; पाच जणांवर गुन्हा

 

स्थैर्य, सातारा, दि.२१ : येथील सदाशिव पेठेमध्ये एका बेसमेंटमध्ये सुरू असणार्‍या जुगार अड्डयावर छापा टाकून शाहूपुरी पोलिसांनी 1 लाख 80 हजार 490 रुपयांची रोख रक्कम व जुगाराचे साहित्य हस्तगत केले. या प्रकरणी पाच जणांवर शाहुपुरी पोलिस ठाण्यात गुन्हा दाखल करण्यात आला आहे. जुनी भाजी मंडई, सदाशिव पेठ, सातारा येथील गणपती मंदिरासमोर असणार्‍या बिल्डिंगच्या बेसमेंटमध्ये जुगार अड्डा सुरू असल्याची माहिती शाहूपुरी पोलिसांना मिळाल्यानंतर या ठिकाणी छापा टाकला. हुसेन नवीलाल पठाण (वय 42, रा. सदरबझार, सातारा), प्रकाश नारायण गायकवाड (वय 52, रा. सोनगाव, ता. सातारा), तौफिक सलीम सय्यद (वय 33 रा. गुरुवार पेठ, सातारा), संतोष वाघमारे (वय 52, रा. एकता कॉलनी, करंजे, ता. सातारा), दत्तात्रय वामन जाधव (वय 45, रा. अंबवडे बुद्रुक, ता. सातारा) हे पाचजण जुगार खेळताना पोलिसांना सापडले. त्यांच्याकडून 1 लाख 80 हजार 490 रुपयांची रोख रक्कम व जुगाराचे साहित्य हस्तगत केले.