फलटण बार असोसिएशनच्या नवनिर्वाचित पदाधिकाऱ्यांचा सत्कार
फलटण बार असोसिएशनच्या कार्यकारिणीसाठी बिनविरोध निवड झालेल्या नवनिर्वाचित पदाधिकाऱ्यांचा सत्कार करण्यात आला असून त्यांच्यावर सर्व स्तरातून अभिनंदनाचा वर्षाव होत आहे.
स्थैर्य, फलटण, दि. 09 जुलै : फलटण बार असोसिएशनच्या २०२६–२७ च्या कार्यकारिणीसाठी बिनविरोध निवड झालेल्या पदाधिकाऱ्यांचा नुकताच सत्कार करण्यात आला. उपाध्यक्षपदी ॲड. मेघा अहिवळे, सहसचिवपदी ॲड. शारदा दीक्षित, खजिनदारपदी ॲड. शाम अहिवळे आणि कार्यकारिणी सदस्यपदी ॲड. रोहिणी भंडलकर यांची निवड झाल्याबद्दल त्यांचा विशेष गौरव करण्यात आला.
मान्यवरांच्या हस्ते पदाधिकाऱ्यांचा सन्मान
यावेळी ॲड. वर्षाराणी पिसे-राऊत यांच्या हस्ते उपाध्यक्ष ॲड. मेघा अहिवळे यांचा सत्कार करण्यात आला. ॲड. वंदना सुळ यांच्या हस्ते सहसचिव ॲड. शारदा दीक्षित आणि कार्यकारिणी सदस्य ॲड. रोहिणी भंडलकर यांचा सत्कार करण्यात आला. खजिनदार ॲड. शाम अहिवळे यांचा सत्कार ॲड. पी. बी. देवकाते यांच्या हस्ते करून त्यांना पुढील वाटचालीसाठी शुभेच्छा देण्यात आल्या.
वकिलांचे प्रश्न सोडवण्याचा निर्धार
नवनिर्वाचित पदाधिकाऱ्यांनी बार असोसिएशनची परंपरा जपत वकिलांच्या हिताचे प्रश्न प्राधान्याने सोडवण्याचा निर्धार व्यक्त केला. संघटनेची एकजूट अधिक मजबूत करून सर्वांगीण विकासासाठी प्रामाणिकपणे कार्य करणार असल्याचे त्यांनी स्पष्ट केले. नव्या कार्यकारिणीतील सर्व पदाधिकाऱ्यांवर विविध स्तरांतून अभिनंदनाचा वर्षाव होत आहे.
यावेळी ॲड. राहुल मदने, ॲड. प्रशांत गावडे, ॲड. शंभू भोसले, ॲड. अक्षय सोनवलकर, ॲड. अर्जुन कोळेकर, ॲड. प्रबुद्ध मिसाळ, ॲड. शिंदे यांच्यासह असोसिएशनचे अनेक सदस्य उपस्थित होते.
