दुचाकी अपघातात एकजण ठार
स्थैर्य, सांगली, दि. २० : पुणे-बेंगलोर द्रुतगती महामार्गावर दुचाकी अपघातात कासेगाव येथील संजय यल्लापा बनसोडे हे जागीच ठार झाले. तर सहाय्यक पोलीस फौजदार गणेश झाजरे(भवानीनगर) हे गंभीर जखमी झाले. हा अपघात आज,गुरुवारी सायंकाळी साडेआठ वाजण्याच्या सुमारास घडला.
झाजरे हे मोटारसायकल क्रमांक (एमएच१०एजे ८३४६) वरुन घरी भवानीनगरला चालले होते. ते शिराळा पोलीस ठाण्यात कार्यरत आहेत. दरम्यान बनसोडे हे पाठीमागून मोटारसायकल क्रमांक (एमएच ०९ऐजे ४३९) वरुन कासेगावकडे निघाले होते. त्यांच्या दुचाकीची पाठीमागून जोराची धडक बसली. धडक इतकी जोराची होती की बनसोडे हे जागीच ठार झाले. तर झाजरे हे गंभीर जखमी झाले. त्यांच्यावर खासगी हाॅस्पिटल मध्ये उपचार सुरु आहेत.या अपघाताची कासेगाव पोलीस ठाण्यात नोंद झाली आहे.
