पुणे पदवीधर व शिक्षक निवडणूक; फलटणमध्ये पदवीधरला ७०.८१ तर शिक्षकमध्ये ९१.६८ टक्के मतदान
थेट WhatsApp वर मिळवा
पुणे विभाग पदवीधर व शिक्षक मतदारसंघाच्या निवडणुकीत फलटण तालुक्यात पदवीधरसाठी ७०.८१ टक्के तर शिक्षकसाठी ९१.६८ टक्के अंतिम मतदान झाले आहे.
स्थैर्य, फलटण, दि. २३ ऑक्टोबर : पुणे विभाग पदवीधर आणि शिक्षक मतदारसंघाच्या निवडणुकीसाठी फलटण तालुक्यात मतदान प्रक्रिया शांततेत पार पडली. पदवीधर मतदारसंघासाठी एकूण ७०.८१ टक्के, तर शिक्षक मतदारसंघासाठी ९१.६८ टक्के मतदान झाल्याची माहिती निवासी नायब तहसीलदार अभिजीत सोनवणे यांनी दिली.
पदवीधर मतदारसंघाची आकडेवारी
फलटण तालुक्यातील तरडगाव, फलटण शहर, वाठार निंबाळकर आणि निंभोरे येथील एकूण आठ मतदान केंद्रांवर पदवीधर मतदारसंघाचे मतदान पार पडले. यामध्ये एकूण ४९०० नोंदणीकृत मतदारांपैकी ३४७० मतदारांनी आपला हक्क बजावला. यामध्ये २२४० पुरुष आणि १२३० महिला मतदारांचा समावेश आहे. सुरुवातीला संथ गतीने सुरू असलेल्या या प्रक्रियेत अंतिम मतदान संपेपर्यंत पदवीधर मतदारसंघासाठी ७०.८१ टक्के इतके मतदान झाले.
शिक्षक मतदारसंघात मतदारांचा उत्साह
शिक्षक मतदारसंघाच्या निवडणुकीत मतदारांचा मोठा उत्साह पाहायला मिळाला. तालुक्यातील चार मतदान केंद्रांवर एकूण ९८६ पैकी तब्बल ९०४ मतदारांनी मतदान केले. यात ५४८ पुरुष आणि ३५६ महिला मतदारांनी आपला हक्क बजावला. या मतदारसंघात अंतिम मतदानाची टक्केवारी ९१.६८ इतकी नोंदवली गेली आहे.
प्रशासनाकडून चोख नियोजन
मतदान प्रक्रियेसाठी प्रशासनाकडून विशेष खबरदारी घेण्यात आली होती. सर्व मतदान केंद्रांवर चोख पोलीस बंदोबस्त आणि नियोजन करण्यात आले होते. मतदान प्रक्रिया सुरळीत पार पडल्याची सविस्तर माहिती निवासी नायब तहसीलदार अभिजीत सोनवणे यांनी दिली आहे.
