NTA कडून परीक्षांचे वेळापत्रक जाहीर; JEE, CUET अन् UGC NET च्या तारखा ठरल्या
थेट WhatsApp वर मिळवा
नॅशनल टेस्टिंग एजन्सीने २०२६-२०२७ मधील प्रवेश व पात्रता परीक्षांचे संभाव्य वेळापत्रक जाहीर केले आहे.
स्थैर्य, सातारा, दि. १८ सप्टेंबर : नॅशनल टेस्टिंग एजन्सीने (NTA) डिसेंबर २०२६ ते मार्च २०२७ या कालावधीत होणाऱ्या प्रमुख राष्ट्रीय प्रवेश आणि पात्रता परीक्षांचे संभाव्य वेळापत्रक अधिकृत संकेतस्थळावर जाहीर केले आहे. यात JEE Main, CUET PG, CMAT आणि UGC NET सारख्या महत्त्वपूर्ण परीक्षांच्या तारखांचा समावेश असून विद्यार्थ्यांना आतापासूनच परीक्षेच्या तयारीचे नियोजन करता येणार आहे.
इंजिनिअरिंग, नेट आणि पदव्युत्तर परीक्षांचे वेळापत्रक
जाहीर वेळापत्रकानुसार UGC NET ची परीक्षा १४ ते १९ डिसेंबर २०२६ या कालावधीत होणार आहे. जेईई मेन (JEE Main 2027 Session 1) ची लेखी परीक्षा २२ ते २४ जानेवारी आणि २८ ते ३० जानेवारी २०२७ दरम्यान ६ दिवसांत पार पडेल. व्यवस्थापन क्षेत्रासाठी आवश्यक असलेली CMAT परीक्षा ७ फेब्रुवारी २०२७ रोजी तर CUET PG परीक्षा १ ते २५ मार्च २०२७ दरम्यान आयोजित केली जाणार आहे.
संभाव्य तारखांमुळे नियोजनाला गती
एनटीएने स्पष्ट केले आहे की प्रशासकीय किंवा तांत्रिक कारणांमुळे या तारखांमध्ये गरज भासल्यास बदल केला जाऊ शकतो. विद्यार्थ्यांच्या सोयीसाठी आणि इतर संस्थांना शैक्षणिक नियोजनासाठी हे वेळापत्रक आगाऊ प्रसिद्ध करण्यात आले आहे. सर्व परीक्षांचे सविस्तर माहितीपत्रक आणि अर्ज प्रक्रिया लवकरच NTA च्या अधिकृत संकेतस्थळावर प्रसिद्ध केली जाईल.
