राज्यातील कोतवाल भरती परीक्षा लांबणीवर; आता २०२७ मध्ये होणार परीक्षा, महसूल विभागाचा निर्णय
थेट WhatsApp वर मिळवा
राज्यातील महसूल विभागांतर्गत बहुप्रतिक्षित असलेल्या कोतवाल भरती परीक्षेची प्रतीक्षा करणाऱ्या उमेदवारांसाठी एक महत्त्वाची बातमी समोर आली असून, प्रशासकीय कारणांमुळे ही परीक्षा पुढे ढकलण्यात आली आहे.
स्थैर्य, सातारा, दि. १४ नोव्हेंबर : महाराष्ट्रातील 2912 हून अधिक महसूल सेवक (कोतवाल) पदांच्या भरती प्रक्रियेला मुदतवाढ देण्यात आली असून महसूल व वन विभागाने सुधारित वेळापत्रक जाहीर केले आहे. नाशिक आणि कोकण विभागातील 15 नोव्हेंबर 2026 रोजी होणारी लेखी परीक्षा पुढे ढकलण्यात आली
प्रशासकीय कारणांमुळे वेळापत्रकात बदल
राज्यभरातील विविध जिल्ह्यांमध्ये कोतवाल पदांच्या भरतीसाठी मोठ्या प्रमाणावर अर्ज मागवण्यात आले होते. परंतु, काही अपरिहार्य प्रशासकीय कारणे आणि परीक्षा आयोजनातील तयारीमुळे जुने वेळापत्रक रद्द करण्यात आले आहे. महसूल विभागाकडून लवकरच जानेवारी २०२७ मधील परीक्षेच्या नवीन तारखांचे सविस्तर वेळापत्रक अधिकृत संकेतस्थळावर जाहीर केले जाईल, अशी माहिती देण्यात आली आहे.
उमेदवारांना अभ्यासासाठी मिळणार संधी
परीक्षा लांबणीवर पडल्यामुळे ग्रामीण भागातील तरुण उमेदवारांना परीक्षेची तयारी अधिक भक्कम करण्याची संधी मिळाली आहे. उमेदवारांनी कोणत्याही अफवांवर विश्वास न ठेवता महसूल विभागाच्या अधिकृत पोर्टलवर प्रसिद्ध होणाऱ्या नवीन परिपत्रकाची व तारखांची प्रतीक्षा करावी, असे आवाहन प्रशासनाकडून करण्यात आले आहे.
