कोळकी भाजपतर्फे वारकऱ्यांना बिस्किट वाटप
ज्ञानेश्वर महाराज पालखी सोहळ्यानिमित्त कोळकीत भाजपतर्फे वारकऱ्यांना मोफत बिस्किटांचे वाटप करण्यात आले. यावेळी आमदार सचिन पाटील यांची प्रमुख उपस्थिती होती.
स्थैर्य, कोळकी, दि. 20 जुलै : श्री संत ज्ञानेश्वर महाराज पालखी सोहळ्यादरम्यान भारतीय जनता पार्टी कोळकीच्या वतीने वारकऱ्यांना मोफत बिस्किटांचे वाटप करण्यात आले. फलटण-कोरेगाव विधानसभा मतदारसंघाचे आमदार सचिन पाटील यांच्या हस्ते हे वाटप करण्यात आले.
ज्ञानेश्वर महाराज पालखी सोहळ्यानिमित्त वारकऱ्यांच्या सेवेसाठी विविध उपक्रम राबवले जात आहेत. याच अनुषंगाने कोळकी येथे भारतीय जनता पार्टीच्या वतीने मोफत बिस्किट वाटपाचे आयोजन करण्यात आले होते. या उपक्रमाला वारकऱ्यांचा चांगला प्रतिसाद मिळाला.
या उपक्रमाला आमदार सचिन पाटील यांच्यासह स्वराज नागरी सहकारी पतसंस्थेचे चेअरमन अभिजीत नाईक निंबाळकर प्रामुख्याने उपस्थित होते. या नेत्यांनी वारकऱ्यांशी संवाद साधून त्यांच्या सेवेचा लाभ घेतला.
याप्रसंगी मिलिंद नेवसे, पंचायत समिती सदस्य विकास नाळे, फलटण पंचायत समितीचे माजी सदस्य सचिन रणवरे, विडणीचे माजी सरपंच शरद कोल्हे, कोळकीचे माजी सदस्य संदीप नेवसे आणि संजय देशमुख यांच्यासह अनेक पदाधिकारी उपस्थित होते.
