सोन्याच्या दरात मोठी उसळी; २४ कॅरेटचा भाव १.५४ लाखांच्या पार, पाहा आजचे ताजे दर
थेट WhatsApp वर मिळवा
स्थैर्य, सातारा, दि. 20 सप्टेंबर : जागतिक बाजारातील घडामोडी आणि कच्च्या तेलाच्या किमतीतील नरमाईमुळे सराफा बाजारात सोन्या-चांदीच्या दरात मोठी उसळी पाहायला मिळाली आहे. गेल्या काही दिवसांपासून सातत्याने घसरत असलेल्या सोन्याच्या किमतींनी अखेर तेजीची वाट धरत कमबॅक केले आहे. या आठवड्यात मौल्यवान धातूंच्या किमतीत मोठी वाढ नोंदवली गेली असून, ग्राहकांचे लक्ष आता बाजारातील नव्या दरांकडे लागले आहे.
सोन्याचे झपाट्याने बदलणारे दर
देशांतर्गत सराफा बाजारात २४ कॅरेट सोन्याचा भाव प्रति १० ग्रॅम १,५४,००० रुपयांच्या पुढे गेला आहे, तर २२ कॅरेट सोन्याचे दरही वधारले आहेत. कच्च्या तेलाच्या घसरत्या किमती आणि आंतरराष्ट्रीय बाजारातील दबावामुळे सोन्याच्या दरांना पुन्हा एकदा मजबूत आधार मिळाला आहे. विश्लेषकांच्या मते, आगामी सण आणि लग्नसराईच्या पार्श्वभूमीवर सोन्याच्या मागणीत वाढ होण्याची दाट शक्यता आहे.
चांदीनेही पकडला टॉप-गियर
केवळ सोनेच नव्हे, तर चांदीच्या दरांनीही या आठवड्यात जबरदस्त तेजी पकडली आहे. चांदीच्या फ्युचर्स किमतीत मोठी वाढ झाल्याने सराफा बाजारात खळबळ उडाली आहे. गुंतवणूकदार आणि ग्राहकांकडून मौल्यवान धातूंमध्ये पुन्हा एकदा खरेदीसाठी गर्दी होऊ लागल्याचे चित्र दिसून येत आहे.
