फलटणच्या गिरवी नाक्यावर गुरुवारी दत्त जयंतीचा सोहळा! स्वामी समर्थ मंदिरात अभिषेक, पारायण आणि महाप्रसादाचे आयोजन. जाणून घ्या वेळापत्रक…
थेट WhatsApp वर मिळवा
श्री स्वामी समर्थ सेवा मंडळ, गिरवी नाका यांच्या वतीने आयोजन
गुरुवारी (दि. ४) पहाटेपासून धार्मिक विधींना सुरुवात; सायंकाळी ५.५० वाजता दत्त जन्मकाळ
भाविकांसाठी सायंकाळी महाप्रसादाचे आयोजन; उपस्थित राहण्याचे आवाहन
स्थैर्य, फलटण, दि. 01 डिसेंबर : फलटण शहरातील गिरवी नाका येथील ‘श्री स्वामी समर्थ सेवा मंडळा’च्या वतीने प्रतिवर्षाप्रमाणे यंदाही ‘श्री दत्त जयंती’ उत्सवाचे आयोजन करण्यात आले आहे. गुरुवार, दिनांक ४ डिसेंबर २०२५ रोजी गिरवी नाका येथील श्री स्वामी समर्थ मंदिरात हा सोहळा मोठ्या भक्तीभावाने पार पडणार आहे.
दिवसभराचे धार्मिक कार्यक्रम
दत्त जयंतीनिमित्त मंदिरात पहाटेपासूनच धार्मिक कार्यक्रमांची रेलचेल असणार आहे. मंडळाने दिलेल्या माहितीनुसार कार्यक्रमांचे वेळापत्रक खालीलप्रमाणे असेल:
पहाटे ५:०० ते ७:०० : श्रींचा अभिषेक आणि आरती.
दुपारी १२:३० ते २:०० : श्री स्वामी चरित्र सारामृत पारायण.
सायंकाळी ५:५० वा. : मुख्य सोहळा – श्री दत्त जन्मकाळ.
महाप्रसादाचे आयोजन
जन्मकाळ सोहळ्यानंतर सायंकाळी ६:३० वाजता भाविकांसाठी महाप्रसादाचे आयोजन करण्यात आले आहे. तरी फलटण शहर आणि परिसरातील सर्व स्वामी भक्तांनी आणि नागरिकांनी या सोहळ्यास उपस्थित राहून दर्शनाचा व महाप्रसादाचा लाभ घ्यावा, असे आवाहन श्री स्वामी समर्थ सेवा मंडळ, गिरवी नाका यांच्या वतीने करण्यात आले आहे.
