रक्तदान हि काळजी गरज : जयकुमार शिंदे; खासदार रणजितसिंह नाईक निंबाळकर यांच्या वाढदिवसानिमित्त आंदरुड येथे रक्तदान शिबीर संपन्न
स्थैर्य, फलटण, दि. २०: माढा लोकसभा मतदार संघाचे पाणीदार खासदार रणजितसिंह नाईक निंबाळकर ज्या पद्धतीने लोकसभा मतदार संघात काम करीत आहेत त्यांच्या विचाराने फलटण तालुक्यात काम होणे गरजेचे आहे, आंदरूड येथील भाजप पदाधिकारी व कार्यकर्त्यांनी खासदार रणजितसिंह नाईक निंबाळकर यांच्या वाढदिवसानिमित्त आयोजित केलेला हा उपक्रम कौतुकास्पद असुन रक्तदान हि आता काळाची गरज बनलेली आहे. या कार्यक्रमाचा आदर्श इतरांनी घ्यावा असे आवाहन जयकुमार शिंदे यांनी केले.
माढा लोकसभा मतदार संघाचे खासदार रणजितसिंह नाईक निंबाळकर यांच्या वाढदिवसानिमित्त आंदरूड ता. फलटण येथे रक्तदान शिबीराचे आयोजन करण्यात आले होते. भारतीय जनता पक्षाचे सातारा जिल्हा उपाध्यक्ष जयकुमार शिंदे यांच्या हस्ते या शिबीराचा शुभारंभ करण्यात आला. कार्यक्रमास फलटण नगर परिषदेचे नगरसेवक अशोकराव जाधव, सचिन अहिवळे, भाजपचे फलटण शहराध्यक्ष अमोल सस्ते, युवा मोर्चाचे उपाध्यक्ष नितिन जगताप आदींसह आंदरूड गावातील सर्व प्रमुख पदाधिकारी, कार्यकर्ते व ग्रामस्थ उपस्थित होते.
