प्रजासत्ताक दिनानिमित्त सचिन यादव यांच्या कल्पनेतून रक्तदान शिबीर संपन्न; के. बी. एक्स्पोर्टमध्ये प्रजासत्ताक दिन उत्साहात साजरा


स्थैर्य, फलटण, दि. २७ : निर्यात क्षेत्रात प्रसिद्ध असलेल्या के. बी. एक्स्पोर्ट या कंपनीमध्ये भारतीय प्रजासत्ताक दिन साजरा करण्यात आले. प्रजासत्ताक दिनानिमित्त कंपनीचे संचालक सचिन यादव यांच्या कल्पनेतून रक्तदान शिबीर आयोजित करण्यात आलेले होते. कंपनी मधील ६१ अधिकारी व कर्मचाऱ्यांनी रक्तदान करून देशासाठी असलेले कर्तव्य निभावले.

प्रजासत्ताक दिनानिमित्त पुरुषांबरोबर महिलांना सुद्धा सामान वागणूक देण्याचा हेतू हा कायमच के. बी. ग्रुप ऑफ कंपनीचा असतो. महिला सबलीकरणाचा संदेश देण्यासाठी के. बी. एक्सपोर्टचे संचालक सचिन यादव यांच्या सूचनेनुसार के. बी. परिवारातील महिला अधिकारी सौ. अनिता राय यांच्याहस्ते ध्वजारोहण संपन्न झाले.

के. बी. ग्रुप ऑफ कंपनीज मध्ये काम करत असताना अधिकारी व कर्मचाऱ्यांना प्रोत्साहन कायमच कंपनीकडून दिले जाते. कष्ट व सचोटी असेल अधिकारी व कर्मचाऱ्यांना सर्वोत्तम पदावर काम करण्याची संधी दिली जाते. या वेळी सर्वोत्तम काम करणाऱ्या अधिकारी व कर्मचाऱ्यांना पुरस्कार देऊन कंपनीचे संचालक सचिन यादव यांनी सन्मानित केले.


Back to top button
Don`t copy text!