भाडळी बुद्रुक येथे उमाजी नाईक जयंती उत्साहात साजरी; विद्यार्थ्यांच्या भाषणांनी जिंकली मने
भाडळी बुद्रुक येथे उमाजी नाईक जयंतीनिमित्त अभिवादन कार्यक्रम संपन्न झाला. जि.प. शाळेतील विद्यार्थ्यांनी उमाजी नाईक यांच्या जीवनावर उत्कृष्ट भाषणे केली.
स्थैर्य, फलटण, दि. ०८ सप्टेंबर : फलटण तालुक्यातील भाडळी बुद्रुक येथे काल दि. ७ सप्टेंबर रोजी आद्य क्रांतिवीर राजे उमाजी नाईक यांच्या जयंतीनिमित्त उमाजी नाईक तरुण मंडळाच्या वतीने अभिवादन कार्यक्रमाचे आयोजन करण्यात आले होते. याप्रसंगी जिल्हा परिषद प्राथमिक शाळा भाडळी बुध्रुक मधील विद्यार्थ्यांनी आद्य क्रांतिवीर उमाजी नाईक यांच्या जीवनकार्यावर माहितीपर भाषणे सादर करून उपस्थितांची दाद मिळवली.
विद्यार्थ्यांची भाषणे आणि उपस्थितांचा प्रतिसाद
कार्यक्रमादरम्यान विद्यार्थ्यांनी आद्य क्रांतिवीर उमाजी नाईक यांच्या ऐतिहासिक संघर्षाची व बलिदानाची माहिती मांडली. या कार्यक्रमाला कृषी उत्पन्न बाजार समितीचे संचालक तथा मातोश्री विकास सेवा सोसायटीचे चेअरमन मोहनराव डांगे, माजी उपसरपंच हनुमंतराव शिरतोडे आणि माजी ग्रामपंचायत सदस्य महादेव जाधव उपस्थित होते.
ग्रामस्थांची मोठी उपस्थिती
या प्रसंगी सोमनाथ डांगे, धर्मेंद्र शिरतोडे, नंदकुमार पवार आणि आकाश सावंत यांच्यासह भाडळी बुध्रुक येथील ग्रामस्थ, तरुण व महिला वर्ग मोठ्या संख्येने उपस्थित होता. तरुण मंडळाच्या या उपक्रमाचे सर्व स्तरातून कौतुक करण्यात आले.
