अरबाज शेखची राष्ट्रीय स्पर्धेसाठी निवड
 |
| दिल्ली येथील राष्ट्रीय स्पर्धेसाठी निवड झालेल्या अरबाज शेखचा सत्कार करताना डॉ. महेश गुरव समवेत मान्यवर |
स्थैर्य, वडूज, दि. १६ : वडूज येथील युवा खेळाडू अरबाज युसुफ शेख याची दिल्ली येथे नॉकआऊट फाईट क्लबच्या वतीने होणार्‍या फ्री स्टाईल किक बॉक्सींग स्पर्धेसाठी निवड झाली आहे. या निवडीबद्दल त्याचा माजी नगराध्यक्ष डॉ. महेश गुरव यांच्याहस्ते सत्कार करण्यात आला. यावेळी माजी ग्रामपंचायत सदस्य धनाजी दुबळे, धनंजय क्षीरसागर, प्रशिक्षक आमीन मुल्ला, इम्रान बागवान, प्रदीप तोरणे, पै. सोहम गुरव, विकी बोराटे, राहुल पाटोळे, मुदस्सीर खान उपस्थित होते.
यावेळी बोलताना डॉ. गुरव म्हणाले, प्रतिकुल परस्थितीवर मात करत अरबाज ने किक बॉक्सिंग सारख्या धाडशी खेळात मोठे यश संपादन केले आहे. दिल्ली येथे होणार्‍या राष्ट्रीय स्पर्धेसाठी त्याची निवड झाली. ही शेख कुटुंबाबरोबर वडूज शहर व तालुक्याच्या दृष्टीने अत्यंत अभिमानाची बाब आहे. अश्या होतकरु खेळाडून दिल्ली येथे सर्व प्रकारचे सहकार्य केले जाईल. यावेळी श्री. क्षीरसागर यांचेही मनोगत झाले. श्री. खान यांनी प्रास्ताविक व स्वागत केले. मुल्ला यांनी आभार मानले.
