महिला शेतकरी प्रमाणपत्र मिळवून देण्यासाठी आळजापूर ग्रामपंचायतीत नोंदणी व मार्गदर्शन कॅम्प उत्साहात संपन्न
थेट WhatsApp वर मिळवा
पंतप्रधान नरेंद्र मोदी यांच्या वाढदिवसानिमित्त आळजापूरमध्ये महिला शेतकऱ्यांना प्रमाणपत्र आणि शासकीय योजनांची माहिती देण्यासाठी विशेष नोंदणी कॅम्प पार पडला.
स्थैर्य, आळजापूर, दि. 03 ऑक्टोबर : पंतप्रधान नरेंद्र मोदी यांच्या वाढदिवसानिमित्त महिला शेतकऱ्यांना महिला शेतकरी प्रमाणपत्र मिळवून देण्यासाठी ग्रामपंचायत कार्यालय, आळजापूर येथे विशेष नोंदणी व मार्गदर्शन कॅम्पचे आयोजन करण्यात आले होते. या कॅम्पमध्ये परिसरातील शेकडो महिला शेतकऱ्यांनी उत्स्फूर्त सहभाग घेतला.
मार्गदर्शन आणि शासकीय योजनांची माहिती
या कॅम्पमध्ये महिला शेतकरी प्रमाणपत्रासाठी आवश्यक कागदपत्रे आणि नोंदणी प्रक्रियेची सविस्तर माहिती देण्यात आली. तसेच विविध शासकीय योजनांचा लाभ कसा घ्यावा, याबाबत महिलांना मार्गदर्शन करण्यात आले. कृषी विभाग फलटणचे गोविंद शिंगाडे, काशिनाथ जाधव आणि ग्रामविकास अधिकारी संतोष जाधव यांनी महिलांना उपयुक्त माहिती दिली.
मान्यवरांची उपस्थिती आणि सहकार्य
या उपक्रमाला जिल्हा परिषद सदस्या किरणताई नलवडे विशेष उपस्थित होत्या. महिलांना प्रमाणपत्रे सहज मिळावीत आणि त्यांना सक्षम करावे, हा या कॅम्पचा मुख्य उद्देश होता. हा उपक्रम यशस्वी करण्यासाठी सोसायटी संचालक दत्तात्रय केंजळे, सचिव संदीप नलवडे, सरपंच शुभम नलवडे, उपसरपंच गीतांजली नलवडे आणि ग्रामपंचायत सदस्यांसह अनेकांनी परिश्रम घेतले. या कॅम्पला महिलांचा मोठा प्रतिसाद मिळाला.
