‘संकल्पपत्र कागदावर नाही, प्रत्यक्षात आणणार!’ प्रभाग १३ मध्ये सचिन सूर्यवंशी बेडके यांचे ठाम आश्वासन
थेट WhatsApp वर मिळवा
स्थैर्य, फलटण, दि. २९ नोव्हेंबर :प्रभाग १३ मधील कृष्णा भिमा विकास आघाडीचे उमेदवार तथा राष्ट्रीय काँग्रेसचे नेते सचिन सूर्यवंशी बेडके यांनी मतदारांना मोठे आश्वासन दिले आहे. ते म्हणाले की, प्रभागातील जनता सुजाण आहे आणि आमचे संकल्पपत्र हे नुसते कागदावर नसून, तो संकल्प आम्ही प्रत्यक्षात आणणार आहोत.
यावेळी त्यांनी आपल्या कामाचे स्वरूप स्पष्ट केले. तक्रार निवारण, सुरक्षा, पायाभूत सुविधा, आरोग्य व शिक्षण, मिनी बस, कचरा व सांडपाणी व्यवस्थापन, पार्कींग आदी बाबींवर विशेष लक्ष देऊन शहरासाठी हा संकल्प पूर्ण करण्याचा आपला प्रयत्न असणार आहे, असे त्यांनी सांगितले.
शांतता, सुरक्षितता आणि विकासाचे राजकारण करण्याची त्यांची भूमिका आहे. यासाठी राजे गट आणि महाविकास आघाडीचे पाठबळ त्यांना मिळत आहे.
एकंदरीत, सचिन सूर्यवंशी बेडके यांनी ठोस संकल्प आणि व्यापक कामांची यादी मतदारांसमोर ठेवली आहे. पायाभूत सुविधांवर भर देऊन प्रभागाचा विकास करण्याचा त्यांचा निर्धार आहे.
