दैनिक स्थैर्य । दि. ०८ डिसेंबर २०२२ । फलटण । फलटण एज्युकेशन सोसायटीच्या व महात्मा फुले कृषी विद्यापीठ राहुरी मान्यताप्राप्त कृषी महाविद्यालय फलटण यांच्या वतीने फलटण तालुक्यातील नांदल गावात कृषीदुतांकडून जागतिक मृदा दिन साजरा केला गेला. त्यात त्यांनी गावातील शेतकऱ्यांना मातीचे महत्त्व पटवून दिले, तसेच ‘माती परीक्षण ही एक काळाची’ गरज या विषयावर योग्य मार्गदर्शन केले. मातीप्रमाणेच पाणी परीक्षण हे ही किती महत्त्वाचे आहे याचे ही योग्य मार्गदर्शन त्यांनी शेतकऱ्यांना केले.
कृषी महाविद्यालय येथील माती व पाणी तपासणी तज्ञ डॉ. प्राजक्ता मेटकरी – खरात यांनी मार्गदर्शन केले. यावेळी नांदलच्या उपसरपंच ठकाताई कोळेकर, ग्रामसेवक सदाशिव कारंडे, कृषी सहाय्यक अरविंद नाळे, विठ्ठल मदने व ग्रामस्थ उपस्थित होते.
कृषी महाविद्यालय फलटणचे प्राचार्य डॉ. सागर निंबाळकर, कार्यक्रम समन्वयक प्रा. नीलिमा धालपे, कार्यक्रम अधिकारी प्रा. स्वप्निल लाळगे यांच्या मार्गदर्शनाखाली कृषिदूत युवराज काळे, धीरज कणसे, गणेश आवताडे, गणेश बोराटे, पृथ्वीराज बाबर, विवेक पाठक, ऋषिकेश चव्हाण यांनी या कार्यक्रमाचे आयोजन केले होते.
