काँग्रेस कमिटीच्या प्रदेश प्रतिनिधी पदी सचिन सुर्यवंशी बेडके तर फलटण तालुकाध्यक्ष पदी महेंद्र सुर्यवंशी बेडके यांची निवड
स्थैर्य, फलटण, दि. २४: सातारा जिल्हा काँग्रेस कमिटीच्या प्रदेश प्रतिनिधी पदावर फलटणमधून नगरसेवक सचिन सुभाषराव सूर्यवंशी – बेडके व राजेंद्र आनंदराव शेलार यांची निवड करण्यात आलेली आहे. त्याचबरोबर सातारा जिल्हा काँग्रेस कमिटीच्या फलटण तालुका अध्यक्ष पदी महेंद्र सुभाषराव सूर्यवंशी – बेडके तर फलटण शहर अध्यक्ष पदी पंकज चंद्रकांत पवार यांची निवड जाहीर करण्यात आलेली आहे.
महाराष्ट्र प्रदेश काँग्रेस कमिटीचे नवनियुक्त अध्यक्ष व माजी विधानसभा अध्यक्ष नाना पटोले यांनी सातारा जिल्हा राष्ट्रीय काँग्रेस कमिटीच्या प्रदेश प्रतिनिधी व ब्लॉक अध्यक्षांच्या निवडी नुकताच तालुकानिहाय जाहीर केलेल्या आहेत. अशी माहिती सातारा जिल्हा राष्ट्रीय काँग्रेसचे अध्यक्ष डॉ. सुरेश जाधव यांनी प्रसिद्धीपत्रकाद्वारे दिलेली आहे.
