रब्बी ज्वारी उत्पादकांसाठी दिलासादायक बातमी; मोफत बियाणे वाटपाचा निर्णय
थेट WhatsApp वर मिळवा
राज्यातील शेतकरी वर्गाला रब्बी हंगामात मोठा आर्थिक दिलासा देण्यासाठी शासनाकडून ज्वारीचे प्रत्येकी चार किलोचे मोफत बियाणे मिनीकिट उपलब्ध करून देण्यात येणार आहे.
स्थैर्य, सातारा, दि. २५ ऑक्टोबर : कृषी क्षेत्राला आणि विशेषतः अन्नधान्य उत्पादनाला चालना देण्यासाठी राज्य सरकारने महत्त्वपूर्ण निर्णय घेतला आहे. रब्बी हंगामात ज्वारीची लागवड वाढवण्यासाठी शेतकऱ्यांना मोफत बियाणे वाटप करण्याचा निर्णय घेण्यात आला असून, एका एकरासाठी चार किलोचे विशेष ‘मिनिकीट’ दिले जाणार आहे.
बियाणे वाटप आणि अर्ज प्रक्रिया
राज्यातील पात्र शेतकऱ्यांना दर्जेदार बियाण्यांचे वाटप करून उत्पादनात वाढ करणे हा या योजनेचा मुख्य उद्देश आहे. यासाठी शेतकऱ्यांनी नजीकच्या कृषी विभाग किंवा महाडीबीटी (MahaDBIT) पोर्टलच्या माध्यमातून माहिती घेऊन अर्ज करण्याचे आवाहन करण्यात आले आहे. या मोफत बियाणे वाटपामुळे दुष्काळी व ग्रामीण भागातील शेतकऱ्यांचा बियाण्याचा खर्च वाचण्यास मोठी मदत होणार आहे.
