प्रभाग ९ मध्ये विकासकामांचा धडाका; राझिया मेटकरींवर नवी जबाबदारी अन् सभागृहांसाठी १९ लाखांचा निधी मंजूर
फलटण प्रभाग ९ मध्ये विविध विकासकामांचे उद्घाटन पार पडले. यावेळी मुस्लिम सभागृहासाठी १२ लाखांचा निधी मंजूर करून राझिया मेटकरींवर नवी जबाबदारी सोपवली.
स्थैर्य, फलटण, दि. १९ ऑगस्ट : स्वातंत्र्यदिन आणि हिंदुराव नाईक निंबाळकर यांच्या जयंतीचे औचित्य साधून फलटण शहरातील प्रभाग ९ मध्ये विविध विकासकामांचे उद्घाटन करण्यात आले. यावेळी अंतर्गत रस्त्यांचे काँक्रिटीकरण, वृक्षारोपण, वृद्धांसाठी सिमेंट बाक आणि शालेय विद्यार्थ्यांना वह्यांचे वाटप असे विविध उपक्रम राबवण्यात आले.
पराभूत उमेदवाराला मोठी ताकद
प्रभाग ९ मधील उमेदवार राझिया मेटकरी यांच्या सूचनेनुसार प्रभागात इथून पुढे विकासकामे सुरू राहतील, अशी ग्वाही नगराध्यक्ष समशेरसिंह नाईक निंबाळकर यांनी दिली. राझिया मेटकरी यांचा पराभव जिव्हारी लागला असून, संपूर्ण ताकद त्यांच्या पाठीशी उभी करण्याचा विश्वास त्यांनी व्यक्त केला. यावेळी राझिया मेटकरी यांची बाळासाहेब ठाकरे सरकारी दवाखान्याच्या समितीवर संचालक म्हणून नियुक्ती करण्यात आल्याची महत्त्वपूर्ण घोषणा रणजितसिंह नाईक निंबाळकर यांनी केली.
सभागृहांसाठी १९ लाखांचा निधी मंजूर
मेहबूब मेटकरी हे निष्ठावंत कार्यकर्ते असून त्यांना पक्षाकडून मोठी ताकद दिली जाईल, असे रणजितसिंह नाईक निंबाळकर म्हणाले. फिरोज शेख आणि मेहबूब मेटकरी यांच्या मागणीनुसार मेटकरी गल्लीतील मुस्लिम सभागृहाच्या दुरुस्तीसाठी १२ लाख रुपये, तसेच इतर समाजाच्या सभागृहासाठी ७ लाख रुपये नगरपरिषदेच्या माध्यमातून मंजूर करण्यात आल्याचे त्यांनी स्पष्ट केले. प्रभागातील विकासकामांसाठी निधी कमी पडू देणार नसल्याची ग्वाही यावेळी देण्यात आली.
मान्यवरांची उपस्थिती
याप्रसंगी आमदार सचिन पाटील, प्रल्हाद साळुंखे-पाटील, शिवरूपराजे खर्डेकर, सोमाशेठ जाधव, अमरसिंह नाईक निंबाळकर, रणजितसिंह भोसले आणि जाकीर मणेर उपस्थित होते. तसेच बाळासाहेब कदम, अमोल सस्ते, फिरोज आतार, रियाज इनामदार, बाळासाहेब मेटकरी, शगीर शेख, बबलू मोमीन यांच्यासह परिसरातील नागरिक मोठ्या संख्येने उपस्थित होते. कार्यक्रमाचे सूत्रसंचालन रियाज इनामदार यांनी केले, तर राझिया मेटकरी यांनी उपस्थितांचे आभार मानले.
