फलटण बाजार समितीत ज्वारी, बाजरीसह शेतमालाची आवक; प्रमुख पिकांचे घाऊक बाजारभाव जाहीर
थेट WhatsApp वर मिळवा
फलटण कृषी उत्पन्न बाजार समितीत रविवारी शेतमालाची आवक वाढली असून, विविध पिकांचे घाऊक बाजारभाव जाहीर करण्यात आले आहेत. यामध्ये ज्वारी, बाजरी, गहू, हरभरा यांसह विविध कडधान्यांची आवक झाली असून, पिवळ्या मुगाला सर्वाधिक १७,००० रुपयांपर्यंत दर मिळाला आहे.
स्थैर्य, फलटण, दि. १८ ऑक्टोबर : फलटण कृषी उत्पन्न बाजार समितीच्या मुख्य बाजारात रविवारी शेतमालाची आवक मोठ्या प्रमाणावर नोंदवली गेली. यामध्ये ज्वारी, बाजरी, गहू, मका, हरभरा आणि कडधान्यांचा समावेश असून, स्थानिक शेतकऱ्यांनी आपला शेतमाल विक्रीसाठी आणला होता. बाजार समितीने जाहीर केलेल्या अधिकृत दरानुसार शेतमालाचे घाऊक व्यवहार पार पडले.
प्रमुख पिकांचे बाजारभाव आणि आवक
मुख्य बाजारपेठेत ज्वारीची ५० क्विंटल आवक होऊन ४००० ते १०१०० रुपये प्रतिक्विंटल दर मिळाला. बाजरीची २६० क्विंटल आवक होऊन ३००० ते ४७५१ रुपये दर नोंदवला गेला. तसेच गव्हाची २७४ क्विंटल आवक होऊन २७०० ते ४२७५ रुपये दर मिळाला. हरभऱ्याची ५७ क्विंटल आवक झाली असून ७००० ते ८००० रुपये दर मिळाला आहे. मक्याची ३१२ क्विंटल आवक होऊन २७०० ते ३२०० रुपये दर मिळाला असून खपली गव्हाची ८ क्विंटल आवक होत ५२२० ते ६७०० रुपये दर मिळाला आहे.
कडधान्यांची आवक आणि दर
कडधान्य बाजारात उडीदाची ३५ क्विंटल आवक होऊन ९५०० ते १०००० रुपये दर मिळाला. हिरवा मूग १३ क्विंटल आवकसह ९५०० ते १०५०० रुपयांपर्यंत विकला गेला. पिवळ्या मुगाची कोणतीही आवक नोंदवली गेली नसली तरी दर १७००० रुपये प्रतिक्विंटल राहिला. तसेच घेवड्याची ४२ क्विंटल आवक होऊन ७५०० ते १०००० रुपये दर मिळाला आहे.
