तरुणांसाठी नोकरीची सुवर्णसंधी! कोरेगाव येथे ६ मे रोजी ‘पंडित दीनदयाल उपाध्याय रोजगार मेळावा’; १००० हून अधिक पदे रिक्त

सातारा जिल्ह्यातील बेरोजगार तरुणांसाठी डी. पी. भोसले कॉलेज, कोरेगाव येथे ६ मे रोजी भव्य रोजगार मेळाव्याचे आयोजन करण्यात आले आहे. १०वी ते इंजिनिअरिंग झालेल्या उमेदवारांसाठी १ हजारहून अधिक जागा उपलब्ध आहेत.

 स्थैर्य, कोरेगाव (सातारा), दि. २८ : सातारा जिल्ह्यातील बेरोजगार युवक-युवतींसाठी एक मोठी आणि आनंदाची बातमी आहे. जिल्ह्यातील उमेदवारांना रोजगाराच्या हक्काच्या संधी उपलब्ध करून देण्यासाठी, कोरेगाव येथील ‘डी. पी. भोसले कॉलेज’मध्ये येत्या ६ मे रोजी ‘पंडित दीनदयाल उपाध्याय रोजगार मेळाव्याचे’ भव्य आयोजन करण्यात आले आहे. जास्तीत जास्त बेरोजगार उमेदवारांनी या संधीचा लाभ घ्यावा, असे आवाहन प्रशासनाकडून करण्यात आले आहे.

१००० हून अधिक रिक्त पदे उपलब्ध

या रोजगार मेळाव्यात कुशल आणि अर्धकुशल कामगारांसाठी मोठ्या प्रमाणावर संधी उपलब्ध आहेत. नामांकित कंपन्या आणि संस्थांमधील तब्बल १ हजारांहून अधिक रिक्त पदे या मेळाव्याच्या माध्यमातून भरली जाणार आहेत. सदर रिक्त पदांची माहिती https://rojgar.mahaswayam.gov.in या अधिकृत संकेतस्थळावर ऑनलाईन अधिसूचित करण्यात आलेली आहे.

शैक्षणिक पात्रता:

या मेळाव्यात खालील शैक्षणिक पात्रता असलेले उमेदवार सहभागी होऊ शकतात:

• १० वी आणि १२ वी उत्तीर्ण

  

• कोणत्याही शाखेतील पदवीधर (Graduates)

  

• आयटीआय (ITI – सर्व ट्रेड)

• पदविका (Diploma)

• इंजिनिअर (Engineering)

थेट मुलाखतीद्वारे होणार निवड

नोकरीसाठी इच्छुक असलेल्या उमेदवारांनी ६ मे रोजी कोरेगाव येथील डी. पी. भोसले कॉलेज येथे आपली सर्व मूळ शैक्षणिक कागदपत्रे आणि त्यांच्या प्रती (झेरॉक्स) घेऊन प्रत्यक्ष उपस्थित राहावे. मेळाव्यात सहभागी झालेल्या उमेदवारांच्या कंपन्यांच्या प्रतिनिधींकडून प्रत्यक्ष मुलाखती घेण्यात येणार असून, योग्य उमेदवारांची जागीच निवड केली जाणार आहे.

“बेरोजगार तरुणांनी या रोजगार मेळाव्याचा जास्तीत जास्त लाभ घ्यावा. याबाबत उमेदवारांना काही अडचण किंवा शंका असल्यास त्यांनी कार्यालयाच्या ०२१६२-२३९९३८ या दूरध्वनी क्रमांकावर संपर्क साधावा.”

– सुनील पवार (सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, सातारा)