आर्थिक परिस्थिती चांगली नाही म्हणून आईकडून मुलाचा ताबा काढता येणार नाही; हायकोर्टाचा मोठा निर्णय

दैनिक स्थैर्य • WhatsApp Channel
सातारा जिल्ह्यातील ताज्या बातम्या
थेट WhatsApp वर मिळवा
WhatsApp Channel JOIN करा ›

केवळ आजी-आजोबांची आर्थिक स्थिती आईपेक्षा अधिक चांगली आहे, या एकाच कारणावरून आईला ८ वर्षांच्या मुलाच्या ताब्यापासून वंचित ठेवता येणार नाही, असा महत्त्वपूर्ण निर्णय अलाहाबाद उच्च न्यायालयाने दिला आहे. तसेच अल्पवयीन मुलाचा ताबा आईकडेच राहिल, असा स्पष्ट निर्वाळा देत न्यायालयाने आजी-आजोबांचे विशेष अपील फेटाळून लावले आहे.

स्थैर्य,सातारा, दि. १६ नोव्हेंबर : मुलाच्या संगोपनात आईचे महत्त्व अधोरेखित करताना अलाहाबाद उच्च न्यायालयाने एका महत्त्वपूर्ण खटल्यात मोठा निकाल दिला आहे. पतीच्या मृत्यूनंतर सासू-सासऱ्यांनी ८ वर्षांच्या मुलाला आपल्याकडे बळजबरीने डांबून ठेवल्याचा आरोप करत आईने उच्च न्यायालयात बंदी प्रत्यक्षीकरण (हेबिअस कॉर्पस) याचिका दाखल केली होती. याप्रकरणी सुनावणी करताना न्यायालयाने मुलाच्या दैनंदिन काळजी, भावनिक जवळीक आणि संगोपनातील आईच्या भूमिकेला प्राधान्य दिले.

 मुलाचे हित आणि आईचे प्रेम महत्त्वाचे

आजी-आजोबांकडे उत्पन्नाची साधने अधिक असून ते मुलाची आर्थिक काळजी चांगल्या प्रकारे घेऊ शकतात, असा युक्तिवाद करत त्यांनी ताबा मिळण्याची मागणी केली होती. मात्र, केवळ आर्थिक सच्छिद्रता हा मुलाचा ताबा देण्याचा एकमेव निकष असू शकत नाही, असे स्पष्ट करत उच्च न्यायालयाने मुलाचा ताबा आईकडेच कायम ठेवला. तसेच, आजी-आजोबांना नातवाला भेटण्याच्या अधिकारासाठी (Visitation Rights) योग्य त्या कायदेशीर मंचावर दाद मागण्याची मुभा देण्यात आली आहे.

हे देखील वाचा

Back to top button
कॉपी करू नका..!