राज्यात गुलाबी थंडीला सुरुवात; ‘एल निनो’चा हिवाळ्यावर परिणाम होणार का? हवामान तज्ज्ञांनी स्पष्ट केले चित्र

दैनिक स्थैर्य • WhatsApp Channel
सातारा जिल्ह्यातील ताज्या बातम्या
थेट WhatsApp वर मिळवा
WhatsApp Channel JOIN करा ›

दिवाळीनंतर महाराष्ट्रात गुलाबी थंडीची चाहूल लागली असून राज्याच्या विविध भागात तापमानाचा पारा घसरू लागला आहे. अशातच ‘एल निनो’ (El Niño) च्या संभाव्य प्रभावामुळे यंदाचा हिवाळा कसा असेल, याबाबत नागरिकांमध्ये चर्चा सुरू आहे. मात्र, तज्ज्ञांच्या मते एल निनोचा मुख्य प्रभाव मान्सूनवर होत असून महाराष्ट्रातील थंडी प्रामुख्याने स्थानिक वारे आणि उत्तरेकडून येणाऱ्या थंड हवेच्या प्रवाहावर अवलंबून असते.

स्थैर्य, सातारा, दि. १६ नोव्हेंबर : राज्यातील अनेक शहरांच्या किमान तापमानात लक्षणीय घट नोंदवली जात असून, नाशिकमधील निफाड येथे पारा ११ अंश सेल्सिअसपर्यंत घसरला आहे. पुणे, बारामती आणि मुंबईसह विविध भागांत सकाळी गारवा वाढल्याचे पाहायला मिळत आहे. पुढील काही दिवसांत मध्य महाराष्ट्र, उत्तर महाराष्ट्र आणि विदर्भात रात्रीची थंडी अधिक तीव्र होण्याची शक्यता हवामान विभागाने वर्तवली आहे.

हवामान तज्ज्ञांच्या मतानुसार, एल निनोमुळे हिवाळा पूर्णपणे प्रभावित होईल असे नाही. महाराष्ट्रातील हिवाळी हवामान प्रामुख्याने पश्चिमी वाऱ्यांचे प्रवाह आणि उत्तरेकडील थंड वाऱ्यांवर अवलंबून असते. यामुळे आगामी काळात राज्यात थंडीचा जोर आणखी वाढण्याची दाट शक्यता वर्तवली जात आहे.

हे देखील वाचा

Back to top button
कॉपी करू नका..!