कोळकीच्या चौकात डिव्हायडरऐवजी बसवणार गतिरोधक; आमदार सचिन पाटील यांचा नागरिकांना मोठा दिलासा
थेट WhatsApp वर मिळवा
कोळकीच्या प्रमुख चौकात डिव्हायडर न बसवता गतिरोधक व सुरक्षेच्या उपाययोजना करण्याबाबत आमदार सचिन पाटील यांनी महामार्ग ठेकेदाराला सूचना दिल्या आहेत.
स्थैर्य, फलटण, दि. १४ : महामार्गाचे काम पूर्ण होताना स्थानिक नागरिकांच्या गरजा, व्यावसायिकांचे हित आणि वाहतुकीची सुरक्षितता यांचा समतोल राखणे आवश्यक असल्याने कोळकी येथील प्रमुख चौकात डिव्हायडरऐवजी गतिरोधक बसवण्याबाबत आमदार सचिन पाटील यांनी सकारात्मक निर्णय घेतला आहे. यासंदर्भात महामार्गाच्या ठेकेदाराला आवश्यक त्या सूचना देण्यात येणार असल्याचे त्यांनी स्पष्ट केले.
नागरिकांच्या गरजेनुसार सुरक्षेच्या उपाययोजना
कोळकीच्या प्रमुख चौकातील डिव्हायडरचा प्रश्न गावातील दैनंदिन जनजीवनाशी व स्थानिक व्यावसायिकांशी थेट निगडित आहे. त्यामुळे या परिसरात शासकीय नियम व तांत्रिक निकषांनुसार योग्य ठिकाणी गतिरोधक बसविण्यात येणार आहेत. तसेच वाहनांचा वेग नियंत्रित ठेवण्यासाठी आणि पादचाऱ्यांची सुरक्षितता सुनिश्चित करण्यासाठी इतर आवश्यक उपाययोजना केल्या जातील.
विकासकामे करताना प्रवाशांची सोय केंद्रस्थानी
कोणतेही विकासकाम करताना नागरिकांना त्रास होणार नाही आणि प्रवाशांची सोय पूर्णपणे जपली जाईल याकडे विशेष लक्ष दिले जात आहे. आमदारांच्या या निर्णयामुळे कोळकी ग्रामस्थांसह स्थानिक व्यापाऱ्यांना मोठा दिलासा मिळाला असून चौकातील अपघातांचा धोका टळण्यास मदत होणार आहे.
