आयडियल इंटरनॅशनल स्कूलचा दहावीचा (CBSE) निकाल जाहीर; यश पोळ ९३.६० टक्के गुणांसह शाळेत प्रथम

बिरदेवनगर (फलटण) येथील आयडियल इंटरनॅशनल स्कूल अँड ज्युनिअर कॉलेजचा इयत्ता दहावीचा (CBSE) २०२५-२६ चा निकाल जाहीर झाला असून, विद्यार्थ्यांनी घवघवीत यश संपादन केले आहे. यश पोळ याने ९३.६०% गुण मिळवत शाळेत प्रथम क्रमांक पटकावला आहे.

स्थैर्य, फलटण, दि. १७ एप्रिल : बिरदेवनगर (फलटण) येथील ‘आयडियल इंटरनॅशनल स्कूल अँड ज्युनिअर कॉलेज’चा इयत्ता दहावीचा (Grade X) २०२५-२६ या शैक्षणिक वर्षाचा निकाल नुकताच जाहीर झाला आहे. या परीक्षेत शाळेतील विद्यार्थ्यांनी उत्कृष्ट कामगिरी करत शाळेची यशाची परंपरा कायम राखली आहे. ‘बेस्ट ऑफ फाईव्ह’ (Best Of 5) सूत्रानुसार जाहीर झालेल्या या निकालात शाळेतील यश उदय पोळ याने ९३.६० टक्के गुण मिळवून शाळेत प्रथम क्रमांक पटकावला आहे.

शाळेतील विद्यार्थ्यांची गुणवत्ता यादी (‘बेस्ट ऑफ फाईव्ह’ नुसार) खालीलप्रमाणे आहे:

• प्रथम क्रमांक: यश उदय पोळ – ९३.६०% (४६८ गुण)

  

• द्वितीय क्रमांक: अनुष्का नारायण मांढरे – ९२.८०% (४६४ गुण)

  

• तृतीय क्रमांक: शिवराज अरविंद भोसले – ९०.४०% (४५२ गुण)

  

• चतुर्थ क्रमांक: ईश्वरी नवनाथ मोरे – ८९.४०% (४४७ गुण)

• पाचवा क्रमांक: श्रावणी जितेंद्र पवार – ८४.२०% (४२१ गुण)

• सहावा क्रमांक: तनिष्क सचिन मोहिते – ७९.६०% (३९८ गुण)

• सातवा क्रमांक: चंदना सचिन आगवणे – ७८.२०% (३९१ गुण)

विद्यार्थ्यांनी इंग्रजी, हिंदी/मराठी, विज्ञान, समाजशास्त्र (SST) आणि माहिती तंत्रज्ञान (IT) या विषयांमध्ये उत्कृष्ट गुण मिळवले आहेत.

या घवघवीत यशाबद्दल सर्व यशस्वी विद्यार्थ्यांचे, त्यांच्या पालकांचे आणि त्यांना मार्गदर्शन करणाऱ्या सर्व शिक्षकांचे आयडियल इंटरनॅशनल स्कूल अँड ज्युनिअर कॉलेजच्या व्यवस्थापनाकडून व प्राचार्यांकडून विशेष अभिनंदन करण्यात आले आहे. पुढील शैक्षणिक वाटचालीसाठी विद्यार्थ्यांना शुभेच्छा देण्यात आल्या आहेत.