सोन्याच्या दरात घसरण, चांदीच्या दरात वाढ; जाणून घ्या शहरातील दर
थेट WhatsApp वर मिळवा
सणासुदीच्या काळात सोने खरेदी करणाऱ्या ग्राहकांसाठी महत्त्वाची बातमी समोर आली असून सोन्याच्या दरात घसरण झाली आहे, तर चांदी महागली आहे.
स्थैर्य, सातारा, दि. ०४ ऑक्टोबर : सणासुदीच्या काळात सोने खरेदीचा विचार करणाऱ्या ग्राहकांसाठी महत्त्वाची बातमी समोर आली आहे. ४ ऑक्टोबर रोजी सोन्याच्या दरात घसरण झाली असून, चांदीच्या दरात मात्र वाढ नोंदवण्यात आली आहे. देशात २२ कॅरेट सोन्याचा दर प्रति १० ग्रॅम १ लाख ३६ हजार ७५० रुपये, तर २४ कॅरेट सोन्याचा दर १ लाख ४९ हजार १८० रुपये इतका झाला आहे.
सोन्याचे दर घसरले
३ ऑक्टोबरच्या तुलनेत सोन्याच्या दरात मोठी घसरण झाली आहे. ३ ऑक्टोबर रोजी २२ कॅरेट सोन्याचा दर १० ग्रॅमसाठी १ लाख ३७ हजार ७६० रुपये, तर २४ कॅरेट सोन्याचा दर १ लाख ५० हजार २९० रुपये होता. एकाच दिवसात २२ कॅरेट सोन्याच्या दरात १ हजार १० रुपयांची, तर २४ कॅरेट सोन्याच्या दरात १ हजार ११० रुपयांची कपात झाली आहे. १८ कॅरेट सोन्याचा दर १० ग्रॅमसाठी १ लाख ११ हजार ८९० रुपये आहे. दरम्यान, चांदीच्या दरात वाढ झाली असून दर २ लाख ३५ हजार रुपये प्रति किलोवर पोहोचला आहे.
शहरानुसार प्रमुख दर
मुंबई, पुणे, कोलकाता, नागपूर आणि बंगळुरूमध्ये २२ कॅरेट सोन्याचा दर १ लाख ३६ हजार ७५० रुपये, तर २४ कॅरेट सोन्याचा दर १ लाख ४९ हजार १८० रुपये आहे. नाशिकमध्ये २२ कॅरेट सोन्याचा दर १ लाख ३६ हजार ७८० रुपये आणि २४ कॅरेट सोन्याचा दर १ लाख ४९ हजार २१० रुपये आहे. दिल्ली, जयपूर व लखनौमध्ये २२ कॅरेट सोन्याचा दर १ लाख ३६ हजार ९०० रुपये, तर २४ कॅरेटचा दर १ लाख ४९ हजार ३३० रुपये नोंदवला गेला आहे.
