चेहऱ्यावर वारंवार पिंपल्स येतायत? दैनंदिन जीवनातील ‘या’ चुकीच्या सवयी ठरू शकतात कारणीभूत

दैनिक स्थैर्य • WhatsApp Channel
सातारा जिल्ह्यातील ताज्या बातम्या
थेट WhatsApp वर मिळवा
WhatsApp Channel JOIN करा ›

मोबाइलचा अतिवापर, अस्वच्छ उशीचे कव्हर आणि केसांच्या उत्पादनांमुळे चेहऱ्यावर पिंपल्स कसे वाढतात, याची कारणे आणि त्वचेची काळजी घेण्याचे सोपे उपाय जाणून घ्या.

स्थैर्य,सातारा, दि. २१ नोव्हेंबर : चेहऱ्यावर वारंवार पिंपल्स किंवा मुरूम येण्यामागे केवळ अस्वच्छताच नसून त्वचेतील अतिरिक्त तेल, मृत पेशी, हार्मोन्समधील बदल आणि आनुवंशिकता यांसारखी अनेक कारणे कारणीभूत असतात. यासोबतच आपल्या दैनंदिन जीवनातील काही चुकीच्या सवयींमुळेही त्वचेची छिद्रे बंद होऊन मुरुमांची समस्या अधिक बळावू शकते.

मोबाइल फोन आणि उशीच्या कव्हरचा परिणाम

अनेकजण तासनतास मोबाइल फोन गालावर दाबून बोलतात. फोनच्या स्क्रीनवर जमा झालेली धूळ, सूक्ष्मजीव तसेच घर्षण आणि उष्णतेमुळे संवेदनशील त्वचेला त्रास होऊन पिंपल्स वाढू शकतात. त्यामुळे फोनची स्क्रीन नियमित स्वच्छ ठेवणे आणि दीर्घ संवादासाठी इयरफोन किंवा स्पीकर मोडचा वापर करणे फायदेशीर ठरते. तसेच उशीच्या कव्हरवर घाम व केसांच्या तेलाचे अवशेष जमा होत असल्याने ते नियमितपणे बदलणे आवश्यक आहे.

केसांच्या उत्पादनांमुळे होणारा त्रास आणि घ्यायची काळजी

केसांना लावले जाणारे अतिरिक्त तेल, स्टायलिंग क्रीम आणि कंडिशनरमधील घटकांमुळे त्वचेची छिद्रे बंद होऊन कपाळ, हेअरलाइन आणि मानेमागे लहान पुरळ येतात, ज्याला ‘पोमेड ॲक्ने’ म्हणतात. हा त्रास टाळण्यासाठी ‘नॉन-कमेडोजेनिक’ उत्पादनांचा वापर करावा. तसेच चेहरा दिवसातून वारंवार धुण्याऐवजी सौम्य क्लिंजरने स्वच्छ करावा आणि पिंपल्स कधीही नखांनी फोडू नयेत. त्रास अधिक वाढल्यास वैद्यकीय सल्ला घेणे हिताचे ठरते.

 

 

हे देखील वाचा

Back to top button
कॉपी करू नका..!