राष्ट्रवादी शरद पवार गटाची फलटणमध्ये महत्वाची बैठक

दैनिक स्थैर्य | दि. 28 नोव्हेंबर 2023 | फलटण | फलटण कोरेगाव विधानसभा मतदारसंघामध्ये फलटण येथे महाराजा मंगल कार्यालय या ठिकाणी दि. 1 डिसेंबर रोजी सकाळी 10 वाजता राष्ट्रवादी काँग्रेस पार्टी (शरद पवार गट) ची महत्वाची बैठक आयोजित करण्यात आली आहे. तरी प्रत्येक गावातील महत्वाच्या कार्यकर्त्यांनी उपस्थित राहावे; असे आवाहन जेष्ठ नेते सुभाष शिंदे यांनी व्यक्त केले.

फलटण येथील “जिद्द” या निवासस्थानी आयोजित पत्रकार परिषदेत जेष्ठ नेते शिंदे बोलत होते.

यावेळी बोलताना शिंदे म्हणाले की; फलटण तालुक्यासह फलटण कोरेगाव विधानसभा मतदारसंघात खासदार शरद पवार यांच्या विचाराचे अनेक कार्यकर्ते व नागरिक कार्यरत आहेत. या सर्वांनी एकत्रित येऊन आगामी कळमध्ये काम करण्यासाठी एकत्रित आढावा बैठक बोलावली आहे. तरी प्रमुख कार्यकर्त्यांनी प्राध्यान्याने उपस्थित राहावे; असे आवाहन करण्यात आले आहे.