सर्वांना सोबत घेऊन काम करणार : मिलिंद नेवसे; राष्ट्रवादीच्या ओबीसी सेलच्या जिल्हाध्यक्ष पदी निवड झाल्याबद्दल सत्कार
दैनिक स्थैर्य । दि. 18 ऑक्टोबर 2021 । फलटण । विधानपरिषदेचे सभापती ना. श्रीमंत रामराजे नाईक निंबाळकर यांनी राष्ट्रवादी काँग्रेस पार्टीच्या ओबीसी सेलच्या अध्यक्षपदी नियुक्ती करून कामकाज करण्याची संधी दिलेली आहे. आगामी काळामध्ये फलटण तालुक्यासह जिल्ह्यातील सर्वांना सोबत घेवून कामकाज करणार आहे, अशी ग्वाही या वेळी नवनियुक्त जिल्हाध्यक्ष मिलिंद नेवसे यांनी या वेळी दिली.
जाधववाडी ग्रामपंचायतीच्या वतीने राष्ट्रवादी काँग्रेस पार्टीच्या ओबीसी सेलच्या जिल्हाध्यक्षपदी निवड झाल्याबद्दल मिलिंद नेवसे यांचा सत्कार आयोजित करण्यात आलेला होता. त्यावेळी मिलिंद नेवसे बोलत होते. यावेळी जाधववाडी ग्रामपंचायतीचे सरपंच श्रीमती सीमा गायकवाड, उपसरपंच सौ. नयन जगदाळे, ग्रामविस्तार अधिकारी विजय निंबाळकर, जेष्ठ नेते नाना जमदाडे, तंटामुक्त अध्यक्ष फिरोज शेख, ग्रामपंचायत सदस्य सचिन मदने, दीपक सपकाळ, सौ. सोनाली पवार, सौ. रेखा नाळे, राहुल शिंदे, सौ. स्वाती जाधव, सौ. मंगल घनवट, भगवान लकडे व सौ. सारिका चव्हाण, निलेश जगदाळे यांच्यासह मान्यवरांची उपस्थिती होती.
श्रीमंत संजीवराजे नाईक निंबाळकर यांच्या ५७ व्या वाढदिवसानिमित्त फलटण – बारामती – फलटण असा ५७ किलोमीटर सायकलिंग स्पर्धेचे आयोजन करण्यात आलेले होते. या मध्ये जाधववाडी येथील रहिवासी असलेले जेष्ठ नागरिक चंद्रकांत मिसाळ, सोमनाथ लोखंडे, राजकुमार निंबाळकर व रामभाऊ कदम यांचा सुद्धा सत्कार यावेळी जाधववाडी ग्रामपंचायतीच्या वतीने करण्यात आला.
