दहा वर्षांनंतर पडद्यावर परतणार कामेरकर कुटुंबीय; बहुचर्चित ‘व्हेंटिलेटर २’ चित्रपटाची अधिकृत घोषणा
थेट WhatsApp वर मिळवा
राष्ट्रीय पुरस्कार विजेता ठरलेल्या ‘व्हेंटिलेटर’ चित्रपटाच्या प्रचंड यशान्यानंतर दिग्दर्शक राजेश मापुस्कर यांनी या बहुप्रतिक्षित सिक्वेलची घोषणा केली आहे, ज्यामुळे प्रेक्षकांमध्ये मोठी उत्सुकता निर्माण झाली आहे.
स्थैर्य, सातारा, दि. ०७ नोव्हेंबर : गाजलेल्या ‘व्हेंटिलेटर’ चित्रपटाच्या यशान्यानंतर दिग्दर्शक राजेश मापुस्कर यांनी आता याच्या दुसऱ्या भागाची अधिकृत घोषणा केली आहे. पर्पल पेबल पिक्चर्स आणि मॅगीज पिक्चर्स यांच्या संयुक्त सहभागातून हा चित्रपट तयार होत असून, पहिल्या भागाप्रमाणेच यातही कौटुंबिक नात्यांचे विविध भावनिक रंग उलगडणार आहेत. ‘तेच सगळे कामेरकर, पुन्हा एकदा १० वर्षांनंतर… त्यांच्यातले काही गेले, काही राहिले’ अशा खास अंदाजात चित्रपटाची घोषणा करण्यात आली आहे.
कथा आणि निर्मितीची पार्श्वभूमी
पहिल्या भागातील घटना आणि रुग्णालया परिसरातील कौटुंबिक गोतावळा प्रेक्षकांच्या आजही स्मरणात आहे. या नव्या पर्वाबाबत बोलताना दिग्दर्शक राजेश मापुस्कर यांनी, दहा वर्षांनंतर त्याच विश्वात परतताना एक वेगळा आनंद आणि मोठी जबाबदारी असल्याचे म्हटले आहे. या चित्रपटाचे लेखन आणि दिग्दर्शन त्यांनीच केले असून, प्रियांका चोप्रा जोनस, मधु चोप्रा आणि राजेश मापुस्कर हे चित्रपटाचे निर्माते आहेत. चित्रपटाचे चित्रीकरण लवकरच सुरू होणार असून, लवकरच हा चित्रपट प्रेक्षकांच्या भेटीला येणार आहे.
मनोरंजन विश्वात चर्चांना उधाण
दहा वर्षांपूर्वी प्रदर्शित झालेल्या पहिल्या भागाने प्रेक्षकांच्या मनावर राज्य केले होते. आता या सिक्वेलच्या घोषणेमुळे प्रेक्षकांमध्ये चित्रपटाच्या रिलीज डेट आणि कलाकारांच्या अंतिम नावांबद्दल प्रचंड उत्सुकता पाहायला मिळत आहे. या नव्या पर्वात कामेरकर कुटुंबात नेमके काय घडणार, हे लवकरच मोठ्या पडद्यावर उलगडणार आहे.
