महिला वैद्यकीय अधिकारी आत्महत्या प्रकरण; दोघा संशयितांना 1 नोव्हेंबरपर्यंत पोलीस कोठडी
स्थैर्य, फलटण, दि. ३० ऑक्टोबर : येथील उपजिल्हा रुग्णालयातील एका महिला वैद्यकीय अधिकाऱ्याने (दि. २३) ऑक्टोबर रोजी आत्महत्या केल्याप्रकरणी, दोघा जणांना आत्महत्येस प्रवृत्त केल्याच्या आरोपावरून अटक करण्यात आली आहे. न्यायालयाने या दोन्ही संशयितांना १ नोव्हेंबरपर्यंत पोलीस कोठडी सुनावली आहे.
याप्रकरणी फलटण शहर पोलीस स्टेशनमध्ये गुन्हा दाखल (गुन्हा रजि. ३४५/२०२५) करण्यात आला आहे.
या गुन्ह्याच्या अनुषंगाने गोपाळ बाळासाहेब बदणे (वय ३५, रा. चांदापूर, ता. परळी, जि. बीड, सध्या रा. जाधववाडी, ता. फलटण) आणि प्रशांत किसन बनकर (वय २९, रा. लक्ष्मीनगर, फलटण) यांना अटक करण्यात आली.
दोन्ही संशयितांना गुरुवारी (दि. ३०) न्यायालयात हजर केले असता, त्यांना १ नोव्हेंबरपर्यंत पोलीस कोठडी मंजूर करण्यात आली आहे. या प्रकरणाचा पुढील तपास उपविभागीय पोलीस अधिकारी विशाल खांबे करीत आहेत.
