राज्यातील चित्रपटगृहात दोन दिवसांनी प्रदर्शित होणार “का र देवा” चित्रपट
दैनिक स्थैर्य । दि.०९ फेब्रुवारी २०२२ । सातारा । “का र देवा” हा चित्रपट म्हणजे ग्रामीण भागामधील एक आदर्श प्रेम कथा व्यक्त करणारा आहे. सदरील चित्रपट हा महाराष्ट्रामधील सुपर हिट चित्रपट ठरेल अशी खात्री चित्रपटाचा ट्रेलर बघितल्यावर प्रेक्षक म्हणत आहेत. चित्रपटाची गाणी प्रदर्शित झाल्यानंतर महाराष्ट्रातील ग्रामीण भागासह शहरी भागातील प्रेक्षकांनी सदरील गाणी हि सुपर हिट ठरवली आहेत. त्यांच्या गाण्यांना उस्फुर्त असा प्रतिसाद मिळाला असून आगामी काळामध्ये प्रदर्शित होणाऱ्या चित्रपटाला सुद्धा उस्फुर्त प्रतिसाद मिळेल यात कसलीही शंका राहत नाही. आगामी दोन दिवसांनी सदरील चित्रपट हा संपूर्ण महाराष्ट्रामध्ये एकाचवेळी म्हणजेच शुक्रवार, दि. ११ फेब्रुवारी रोजी प्रदर्शित होणार असून प्रेक्षकांनी चित्रपटगृहांमध्ये जावून चित्रपट पाहावा असे आवाहन निर्मात्यांच्या वतीने करण्यात आलेले आहे.
सातारा जिल्ह्याच्या कोरेगाव तालुक्यामधील वाठार स्टेशनसारख्या छोट्याश्या गावामधून आलेले प्रशांत शिंगटे यांनी “का र देवा” हा मराठी चित्रपट खास मराठी प्रेक्षकांच्यासाठी तयार केलेला आहे. “का र देवा” हा चित्रपट निर्माते प्रशांत शिंगटे व दिग्दर्शक रणजित जाधव यांनी मोठ्या मेहनतीने तयार केला आहे. सदरील चित्रपटामध्ये मराठी चित्रपट सृष्टीमधील मोठी स्टार कास्ट घेण्यात आली असून मयूर लाड, मोनालीसा बागल, नागेश भोसले, अरुण नलावडे, सूरज चव्हाण, किरण जाधव यासारखे अनेक दिग्गज कलाकार हे सदरील चित्रपटामध्ये भूमिका बजावत आहेत.
“का रे देवा” ह्या चित्रपटाचे प्रमोशन हे महाराष्ट्राच्या विविध भागामध्ये करण्यात आलेले आहे. तर त्यांच्या प्रमोशनला सुद्धा उस्फुर्त असा प्रतिसाद मिळत आहे. राज्यातील अगदी तळागाळातील व्यक्तीच्या पसंतीस सदरील चित्रपट उतरेल असे मत मराठी चित्रपट सृष्टीतील दिग्गजांचे आहे. “का रे देवा” ह्या चित्रपटाचे निर्माता व यशस्वी उद्योजक प्रशांत शिंगटे यांचे सर्वच स्तरातून अभिनंदन केले जात आहे. तर “का रे देवा” हा चित्रपट संपूर्ण महाराष्ट्रामध्ये सुपर डुपर हिट ठरेल, असे मत निर्माते प्रशांत शिंगटे यांनी व्यक्त केले.
“का रे देवा” चित्रपटाचा ट्रेलर – https://is.gd/KaRaDevaMarathiMovieTrailar
