फलटण शहरात मटका व अवैध्य धंदे बंद करा; अन्यथा उपोषणाला बसणार; भाजपाच्या या पदाधिकाऱ्यांची मागणी

दैनिक स्थैर्य । 03 जुलै 2025 । फलटण । फलटण शहरात मटका व इतर अवैध धंद्यांचा सुळसुळाट रोखण्यासाठी भारतीय जनता पक्षाच्या अनुसूचित जाती व जमाती सेलचे फलटण शहर उपाध्यक्ष विकी रामभाऊ बोके यांनी जोरदार आंदोलनाची घोषणा केली आहे. त्यांनी या अवैध व्यवसायामुळे अनेक कुटुंबांचे संसार उद्ध्वस्त होत असल्याचा निषेध व्यक्त करत, प्रशासनाकडे कठोर कारवाईची मागणी केली आहे. पोलिसांनी तत्कालीन कारवाई करत या धंद्यांना बंद करण्यास त्वरित निर्णय घ्यावा अशी त्यांची भूमिका आहे. जर आवश्यक तो उपायोजना नाही झाली, तर ते ७ जुलै २०२५ रोजी सातारा जिल्हा पोलीस प्रमुखांच्या कार्यालयाबाहेर उपोषणाला बसणार असल्याचा इशाराही दिला आहे.

फलटण सारख्या सांस्कृतिक आणि विकासाच्या दिशेने वाटचाल करणाऱ्या शहरात मटका, जुगार आणि इतर बेकायदेशीर कामांचा दिवसेंदिवस विस्तार होत आहे. या अवैध धंद्यांमुळे केवळ कायदा व सुव्यवस्था बिघडत नाही तर अनेकांचा आरोग्य, आर्थिक व सामाजिक जीवनही संकटात येत आहे. शहरात मटक्याचा प्रचंड प्रभाव असून अनेक कुटुंबांचे भविष्य धोक्यात आले आहे.

विकी बोके म्हणाले, “फलटणमधील मटका आणि इतर अवैध धंदे थोपविण्यासाठी प्रशासनाने त्वरित कारवाई करणे आवश्यक आहे. जर समस्या सोडवली नाही, तर आम्ही सातारा येथे जिल्हा पोलीस प्रमुखांच्या कार्यालयासमोर उपोषण करणार आहोत. जनता कायद्याच्या चौकटीत राहून प्रगती करावी, हे सुनिश्चित करणे प्रशासनाचा जबाबदारपणा आहे.” त्यांनी स्थानिक प्रशासन आणि पोलिसांना घट्ट संदेश दिला आहे की, फलटण शहरातील कायदा सुव्यवस्था राखण्यासाठी प्रयत्न करावे लागतील.