जाधववाडीच्या श्रीमंत शिवाजीराजे इंग्लिश मिडीयम स्कूलचा दहावीचा निकाल ९९.१०%; तुलसी जठार ९७.६% गुणांसह शाळेत प्रथम!

फलटण एज्युकेशन सोसायटी संचालित श्रीमंत शिवाजीराजे इंग्लिश मिडीयम स्कूल (सीबीएसई), जाधववाडीचा इयत्ता दहावीचा निकाल ९९.१०% लागला आहे. ३२ विद्यार्थ्यांनी ९० टक्क्यांहून अधिक गुण मिळवत शाळेच्या यशाची परंपरा कायम राखली आहे.

स्थैर्य, फलटण, दि. 17 एप्रिल : फलटण एज्युकेशन सोसायटी संचालित जाधववाडी येथील ‘श्रीमंत शिवाजीराजे इंग्लिश मिडीयम स्कूल (सीबीएसई)’ या प्रशालेचा इयत्ता दहावीचा निकाल अत्यंत घवघवीत म्हणजेच ९९.१०% इतका लागला आहे. यावर्षी परीक्षेस बसलेल्या एकूण ११२ विद्यार्थ्यांपैकी तब्बल १११ विद्यार्थी उत्तीर्ण झाले असून, विद्यार्थ्यांनी उत्तुंग यश संपादन करत प्रशालेच्या शिरपेचात मानाचा तुरा रोवला आहे.

शाळेची गुणवत्ता यादी (टॉपर्स):

या नेत्रदीपक निकालात खालील विद्यार्थ्यांनी शाळेत अनुक्रमे प्रथम, द्वितीय आणि तृतीय क्रमांक पटकावला आहे:

• प्रथम क्रमांक: कु. तुलसी बाळासाहेब जठार (९७.६%)

  

• द्वितीय क्रमांक (विभागून): कु. पूर्वा पराग घनवट (९७%) आणि रुद्रप्रताप जितेंद्र साळुंखे (९७%)

  

• तृतीय क्रमांक (विभागून): शिवम रविकिरण राऊत (९६.६%) आणि कु. श्रावणी सोमनाथ पवार (९६.६%)

  

खास वैशिष्ट्यपूर्ण निकाल :

• एकूण विद्यार्थी: ११२

• विशेष प्रावीण्यासह (Distinction) उत्तीर्ण: ८५ विद्यार्थी

• प्रथम श्रेणीत (First Class) उत्तीर्ण: २२ विद्यार्थी

• विशेष कौतुकास्पद बाब: तब्बल ३२ विद्यार्थ्यांनी ९०% पेक्षा जास्त गुण मिळवून दैदिप्यमान यश मिळवले आहे.

मार्गदर्शक शिक्षकवृंद:

विद्यार्थ्यांच्या या उत्तुंग यशामागे प्रशालेतील खालील विषय शिक्षकांचे अत्यंत मोलाचे मार्गदर्शन लाभले:

• मराठी: रुबिना बागवान

• हिंदी: शीतल भोसले

• इंग्रजी: प्रीती एकल

• गणित: कै. तुकाराम शेलार

• विज्ञान: मयुरा फणसे, नूतन खेडकर व सुनीता नाईक निंबाळकर

• समाजशास्त्र: अर्चना काटकर व वर्षा खोमणे

• AI / IT: दीपज्योती दंडिले, चांदणी कदम व आयेशा पठाण

मान्यवरांकडून कौतुकाचा वर्षाव:

या सर्व यशस्वी विद्यार्थ्यांचे आणि त्यांच्या मार्गदर्शक शिक्षकांचे फलटण एज्युकेशन सोसायटीचे अध्यक्ष तथा महाराष्ट्र विधान परिषदेचे माजी सभापती श्रीमंत रामराजे नाईक निंबाळकर, नियामक मंडळाचे चेअरमन तथा कृषी उत्पन्न बाजार समितीचे सभापती श्रीमंत रघुनाथराजे नाईक निंबाळकर, संस्थेचे सेक्रेटरी व सातारा जि. प. चे माजी अध्यक्ष श्रीमंत संजीवराजे नाईक निंबाळकर, माजी आमदार दीपकराव चव्हाण, प्रशासन अधिकारी अरविंद निकम यांनी विशेष अभिनंदन केले.

तसेच, प्रशालेच्या प्राचार्या सौ. मिनल दीक्षित, शाळा व्यवस्थापन समितीचे सर्व अध्यक्ष व सदस्य, उपप्राचार्या सौ. स्नेहल भोसले, पर्यवेक्षिका सौ. प्रियांका जठार, सौ. अर्चना काटकर, सर्व शिक्षकवृंद, पालक व परिसरातील अनेक मान्यवर मंडळींनी यशस्वी विद्यार्थ्यांचे कौतुक करत त्यांच्या पुढील शैक्षणिक वाटचालीस भरभरून शुभेच्छा दिल्या आहेत.