ई आर-१ विवरणपत्र ३१ ऑक्टोबरपर्यंत सादर करण्याचे आवाहन; सातारा कौशल्य विकास केंद्राचा इशारा
थेट WhatsApp वर मिळवा
साताऱ्यातील आस्थापनांना सप्टेंबर २०२६ अखेरचे ई आर-१ तिमाही विवरणपत्र ३१ ऑक्टोबरपर्यंत ऑनलाईन पद्धतीने सादर करण्याचे आवाहन करण्यात आले आहे.
स्थैर्य, सातारा, दि. ०५ ऑक्टोबर : जिल्ह्यातील सर्व शासकीय, निमशासकीय आणि खासगी कार्यालयांनी सप्टेंबर २०२६ अखेरचे ई आर-१ तिमाही विवरणपत्र ३१ ऑक्टोबर २०२६ पर्यंत ऑनलाईन पद्धतीने सादर करावे, असे आवाहन जिल्हा कौशल्य विकास रोजगार उद्योजकता केंद्राचे सहायक आयुक्त यांनी केले आहे.
विवरणपत्र सादरीकरणाची ऑनलाईन पद्धत
ई आर-१ विवरणपत्र ऑनलाईन सादर करण्यासाठी सर्व आस्थापनांना युजर आयडी आणि पासवर्ड यापूर्वीच देण्यात आला आहे. आस्थापनांनी कौशल्य विकास रोजगार उद्योजकता विभागाच्या [http://rojgar.mahaswayam.gov.in](http://rojgar.mahaswayam.gov.in) या अधिकृत संकेतस्थळावर जाऊन मुदतीत माहिती नोंदवणे बंधनकारक आहे.
अधिक माहितीसाठी संपर्क साधण्याचे आवाहन
याबाबत अधिक माहिती किंवा अडचणी असल्यास जिल्हा कौशल्य विकास रोजगार उद्योजकता केंद्र, सातारा यांच्या ०२१६२-२३९९३८ या दूरध्वनी क्रमांकावर थेट संपर्क साधावा, असे प्रशासनाकडून स्पष्ट करण्यात आले आहे.
