फलटण : मनोरुग्णाने पोलीस स्टेशनमध्ये केला लाल मिरच्याचा हमला

दैनिक स्थैर्य • WhatsApp Channel
सातारा जिल्ह्यातील ताज्या बातम्या
थेट WhatsApp वर मिळवा
WhatsApp Channel JOIN करा ›

दैनिक स्थैर्य | दि. ०५ जानेवारी २०२५ | फलटण | फलटण ग्रामीण पोलीस स्टेशनवर 4 जानेवारी 2025 रोजी सायंकाळी सहा वाजण्याच्या सुमारास एक धक्कादायक घटना घडली. एक मनोरुग्ण इसम हातात पिशवी घेऊन पोलीस स्टेशन आवारामध्ये आला आणि उपस्थित अधिकारी व नागरिकांच्या डोळ्यांमध्ये लाल मिरची टाकली, ज्यामुळे तेथे गोंधळ माजला.

सायंकाळी सहा वाजण्याच्या सुमारास, जेव्हा पोलीस अधिकारी व कर्मचारी आपापल्या कामांमध्ये व्यस्त होते, तेव्हा एक इसम हातात पिशवी घेऊन पोलीस स्टेशन आवारामध्ये आला. त्याने त्याच्या पिशवीतील लाल मिरची उपस्थित अधिकारी व कर्मचारी तसेच नागरिकांच्या डोळ्यांमध्ये टाकली, ज्यामुळे सर्वांचे डोळे चुरचुरू लागले.

पोलीस अधिकारी व नागरिक गोंधळून गेले आणि त्यांनी सदर इसमाला ताब्यात घेण्याचा प्रयत्न केला. मिरच्यांमुळे त्याच्या जवळ जाणे शक्य नव्हते, परंतु प्रशिक्षित पोलिसांनी संयम राखून त्याला हात पाठीमागे बांधले व पायाला दोराने बांधले. चौकशीमध्ये तो काही माहिती देत नव्हता, उलट त्याचे डोळ्यात चटणी गेलेली होती.

चौकशीनंतर माहिती मिळाली की सदर इसम हा फरांदवाडी गावातील मंगेश ननावरे वय 35 वर्षे असून, त्याची पत्नी त्याच्या मनोविकृत वागण्यामुळे सोडून गेली होती. त्याचे आई-वडील मृत झालेले होते आणि दोन वर्षांपूर्वी तो मनोरुग्णालयामध्ये दाखल होता. औषध घेण्याचे सोडल्यामुळे त्याला अशा प्रकारचे हिंसक कृत्य करता येत होते.

मनोरुग्ण सेवा मंडळाचे मनोज गावडे (गोखळी) यांना संपर्क करून डॉ. खराडे यांच्याशी संपर्क साधला गेला. मंगेश ननावरेला डॉक्टर खराडे यांच्या रुग्णालयामध्ये दाखल करण्यात आलं आणि सोमवारी मेंटल रुग्णालय येरवडा या ठिकाणी भरती करण्याची तजवीज ठेवलेली आहे.

पोलिसांनी ही परिस्थिती अतिशय कौशल्याने व संयमाने हाताळली, ज्यामुळे समाजातील इतर लोकांनाही धोका टाळला गेला. मनोरुग्णांवर दुर्लक्ष करू नये यावर भर देत, पोलिसांनी सामाजिक खाजगी मनोरुग्ण सेवा मंडळांच्या सहाय्याने योग्य उपचार करून समाजाची सुरक्षितता सुनिश्चित केली.

हे देखील वाचा

Back to top button
कॉपी करू नका..!