जिल्हास्तरावर सुब्रोतो मुखर्जी फुटबॉल क्रीडा स्पर्धेचे आयोजन

दैनिक स्थैर्य । दि. २९ जून २०२२ । सातारा । जिल्हा क्रीडा परिषद व जिल्हा क्रीडा अधिकारी कार्यालय, सातारा यांच्यामार्फत जिल्हास्तरावर सुब्रोतो मुखर्जी फुटबॉलकप क्रीडा स्पर्धेचे आयोजन करण्यात येणार आहे. या स्पर्धेमध्ये 14 वर्षाखालील मुले व 17 वर्षाखालील मुले व मुली स्पर्धेत सहभागी होऊ शकतात. 14 वर्षाखालील स्पर्धेमध्ये सहभागी होण्यासाठी खेळाडूंची जन्मतारीख 1 जानेवारी 2009 किंवा त्यानंतर जन्मेलेला तसेच 17 वर्षाखालील खेळाडूंची जन्मतारीख 1 जानेवारी 2006 किंवा त्यानंतरची असावी. स्पर्धेत सहभागी होण्याकरिता शाळा, महाविद्यालयांनी संघाची नोंदणी ऑनलाईन पद्धतीने 10 जुलै 2022 पर्यंत करावी, असे आवाहन जिल्हा क्रीडा अधिकारी युवराज नाईक यांनी केले आहे.